RCB vs KKR IPL 2023 : केकेआरच्या दमदार सलामीनंतर धावगती थोडी मंदावली होती. त्यामुळे केकेआर 200 चा आकडा पार करणार का याबाबत शंका निर्माण झाली. मात्र रिंकू सिंहने शेवटच्या टप्प्यात तुफान फटकेबाजी करत संघाला 200 च्या जवळ पोहचवले. त्याने सिराज टाकत असलेल्या 19 व्या षटकात 6, 4, 4 अशी धुलाई केली. रिंकूने 10 चेंडूत 18 धावा चोपल्या. तर डेव्हिड विसेने शेवटच्या षटकात 2 षटकार मारत 12 धावा केल्या. केकेआरकडून सलामीवीर जेसन रॉयने सर्वाधिक 56 धावा केल्या.

पॉवर प्लेच्या सुरूवातीच्या षटकात संथ फलंदाजी करणाऱ्या केकेआरच्या सलामीवीरींना नंतर धडाकेबाज फलंदाजी करत केकेआरला 6 षटकात बिनबाद 66 धावा चोपल्या. यात जेसन रॉयच्या 20 चेंडूत 48 धावांचा मोठा वाटा होता. तर एन जगदीशनने 16 चेंडूत 17 धावा करत त्याला चांगली साथ दिली.

जेनस रॉय आणि जगदीशन यांनी 83 धावांची सलामी दिल्यानंतर केकेआरची धावगती मंदावली. रॉय 29 चेंडूत 56 धावा करून बाद झाला. त्यानंतर जगदीशन देखील 27 धावांवर बाद झाला. दोन्ही सलामीवीर माघारी गेल्यानंतर आलेल्या व्यंकटेश अय्यर आणि नितीश राणा यांनी भागीदारी रचत संघाला 15 षटकात 132 धावांपर्यंत पोहचवले. मात्र केकेआरची धावगती मंदावली होती.

15 व्या षटकानंतर या दोघांनी धावगती वाढवण्याचा प्रयत्न केला. या दोघांनी 80 धावांची भागीदाीरी रचली. मात्र मोक्याच्या क्षणी नितीश राणा 48 धावांवर तर व्यंकटेश अय्यर 31 धावा करून बाद झाला.

त्यानंतर आलेल्या रिंकू सिंहने 19 वे षटक टाकत असलेल्या मोहम्मद सिराजला चांगलेच धुतले. त्याने पहिल्या तीन चेंडूवर एक षटकार आणि दोन चौकार ठोकले. त्यानंतर एक धाव घेत 15 धावा चोपल्या. अखेरच्या चेंडूवर सिराजने आंद्रे रसेलला बाद करत आरसीबीला दिलासा दिला. शेवटच्या षटकात डेव्हिड विसेने दोन षटकार ठोकत केकेआरला 200 धावांपर्यंत पोहचवले.