KKR Team Flight Diverted : आयपीएल 2024 दरम्यान कोलकाता नाइट रायडर्स संघाशी संबंधित एक मोठी बातमी समोर आली आहे. कोलकाता नाईट रायडर्सने त्यांचा शेवटचा सामना लखनौ सुपर जायंट्सविरुद्ध खेळला होता. आणि या सामन्यानंतर केकेआर संघ चार्टर विमानाने लखनौहून कोलकात्याला रवाना झाला.
पण रात्री उशिरा खराब हवामानामुळे कोलकाता नाईट रायडर्सचे विमान लँडिंग करू शकले नाही आणि टीम अजूनही कोलकात्याला पोहोचू शकली नाही.
सोमवारी कोलकात्यात वादळी वाऱ्यासह जोरदार पाऊस झाला. अशा परिस्थितीत खराब हवामानामुळे कोलकाता नाईट रायडर्सचे चार्टर विमान यशस्वी लँडिंग करू शकले नाही. त्यामुळे विमान वळवण्याचा निर्णय घेण्यात आला आणि ते गुवाहाटीच्या दिशेने वळवण्यात आले.
कोलकाता नाईट रायडर्सने स्वतः सोशल मीडियावर त्यांच्या चाहत्यांना हे अपडेट दिले. त्याच वेळी, रात्री 1:20 वाजता, कोलकाता नाइट रायडर्सने सोशल मीडियावर आणखी एक अपडेट दिला आणि सांगितले की गुवाहाटीहून कोलकाताकडे उड्डाण केल्यानंतर, केकेआर संघाला आणखी एक अयशस्वी लँडिंगला सामोरे जावे लागले. त्यानंतर त्यांचे विमान वाराणसीच्या दिशेने वळवण्यात आले.
केकेआर संघ कोलकाता कधी पोहोचेल?
कोलकाता नाईट रायडर्सने पहाटे 3 वाजता सोशल मीडियावर आणखी एक अपडेट शेअर केली. केकेआरने सांगितले की, त्यांची टीम सध्या वाराणसीतील एका हॉटेलमध्ये थांबली आहे. ती आज दिवसा कोलकाताला जाणार आहे. कोलकाता नाईट रायडर्सला त्यांचा पुढचा सामना 11 मे रोजी मुंबई इंडियन्सविरुद्ध खेळायचा आहे.
कोलकाता नाईट रायडर्स संघाची कामगिरी यंदाच्या हंगामात चांगलीच राहिली आहे. आणि पॉइंट टेबलमध्ये पहिल्या क्रमांकावर आहे. केकेआरने या हंगामात आतापर्यंत 11 सामने खेळले आहेत आणि 8 जिंकले आहेत ज्यात त्याचे 16 गुण आहेत. आणि त्याचा नेट रन रेट 1.453 आहे. अशा स्थितीत पुढचा सामना जिंकून प्ले-ऑफचे तिकीट मिळवण्यावर त्याची नजर असेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.