Mohammed Shami IPL 2023 : टीम इंडियाचा स्टार वेगवान गोलंदाज मोहम्मद शमीने आयपीएल 2023 मध्ये चमकदार कामगिरी केली आहे.
विशेषत: नवीन चेंडूसह पॉवर प्लेमध्ये चमकदार गोलंदाजी करत त्याने गुजरात टायटन्सला अनेक शानदार विजय मिळवून दिले. शमीने पहिल्या सहा षटकांतच 2 ते 3 बळी घेत विरोधी संघाला कमकुवत करण्याचे काम करत आहे.
सनरायझर्स हैदराबाद विरुद्ध पॉवर प्लेमध्ये पुन्हा एकदा जबरदस्त खेळ दाखवला. आयपीएल 2023 मध्ये आतापर्यंत शमीच्या 23 पैकी 15 विकेट पॉवर प्लेमध्ये आल्या आहेत.
शमी सध्या 23 विकेट्ससह पर्पल कॅप होल्डर आहे. सनरायझर्स हैदराबादविरुद्धच्या 34 धावांच्या विजयानंतर सामन्यानंतरच्या संभाषणात रवी शास्त्रीच्या प्रश्नाला उत्तर देताना शमीने असे काही सांगितले की माजी प्रशिक्षकही हसू आवरले नाहीत.
मॅचनंतरच्या पोस्ट सेरेमनीमध्ये रवी शास्त्रींना त्यांच्या डाएटबद्दल मजेशीर पद्धतीने प्रश्न विचारला. रवी शास्त्रीने मोहम्मद शमीला विचारले की, तो आता पूर्वीपेक्षा मजबूत आणि फिट दिसत आहे.
जवळपास 1.5 महिने आयपीएलच्या उन्हात खेळूनही तो वेगाने आणि अधिक ताकदीने धावत आहे. या आयपीएल 2023 मधील त्याच्या यशामागचे रहस्य काय आहे?
रवी शास्त्रीच्या या प्रश्नाला उत्तर देताना मोहम्मद शमी म्हणाला, “मी गुजरातमध्ये आहे, मला माझे जेवण मिळणार नाही. पण मी गुजराती जेवणाचा आस्वाद घेत आहे.
मोहम्मद शमीचे हे उत्तर ऐकून रवी शास्त्रीही स्वतःला हसू आवरू शकले नाहीत. मोहम्मद शमीचा हा मजेदार व्हिडिओ सोशल मीडियावर व्हायरल होत आहे.
गुजरात टायटन्सच्या पराभवामुळे दिल्ली कॅपिटल्सनंतर प्लेऑफच्या शर्यतीतून बाहेर पडणारा सनरायझर्स हैदराबाद दुसरा संघ बनला आहे. त्याच वेळी हार्दिक पांड्याच्या नेतृत्वाखालील गुजरात टायटन्स आयपीएल 2023 मध्ये प्लेऑफसाठी पात्र ठरणारा पहिला संघ बनला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.