MS Dhoni DC vs CSK 300 Dismissal As Wicketkeeper : आयपीएल 2024 मधील 12 व्या सामन्यात आज दिल्ली कॅपिटल्स आणि चेन्नई सुपर किंग्ज यांच्यात लढत होत आहे. या सामन्यात चेन्नईचा थला महेंद्रसिंह धोनीने एक मोठा माईल स्टोन गाठला. चेन्नईला 5 वेळा विजेतेपद जिंकून देणाऱ्या धोनीने दिल्लीविरूद्धच्या सामन्यात विकेटकिपिंग करताना हा विक्रम केला आहे.

धोनीने विकेटकिपर म्हणून आपल्या टी 20 कारकिर्दीतील 300 वा बळी टिपला आहे. अशी कामगिरी करणारा तो टी 20 क्रिकेटच्या इतिहासातील पहिला विकेटकिपर ठरला. धोनीने स्टम्पच्या मागे 213 झेल आणि 87 स्टम्पिंग केले आहेत.

दिल्ली कॅपिटल्स आणि चेन्नई सुपर किंग्ज यांच्यातील सामन्यात रविंद्र जडेजाच्या गोलंदाजीवर 43 धावा करणाऱ्या पृथ्वी शॉचा धोनीने विकेटच्या मागे झेल पकडला. हा धोनीचा टी 20 क्रिकेटमधला 300 वा बळी ठरला.

धोनीनंतर टी 20 क्रिकेटमध्ये सर्वाधिक बळी टिपणारा विकेटकिपर म्हणून पाकिस्तानच्या कामरान अकमलंच नाव येतं. त्याने 274 बळी टिपले आहेत. यात 172 झेल आणि 102 स्टम्पिंगचा समावेश आहे. त्यानंतर या यादीत दिनेश कार्तिक देखील 274 बळींसह दुसऱ्या स्थानावर आहे. त्याने 207 झेल अन् 67 स्टम्पिंग केले आहेत.

तिसऱ्या स्थानावर क्विंटन डिकॉक आहे. त्याने 221 झेल अन् 49 स्टम्पिंगसह 270 बळी टिपले आहेत. तर चौथ्या स्थानावर असलेल्या जॉस बटलरने 168 झेल अन् 41 स्टम्पिंगसह 209 बळी टिपले आहेत.

टी 20 मध्ये सर्वाधिक बळी टिपणारे विकेटकिपर

• महेंद्रसिंह धोनी - 300

• कामरान अकमल - 274

• दिनेश कार्तिक - 274

• क्विंटन डिकॉक - 270

• जॉस बटलर - 209

(IPL Marathi News)