Rohit Sharma Vs Hardik Pandya MI Captaincy : मुंबई इंडियन्सने आयपीएल 2024 च्या हंगामात रोहित शर्मा ऐवजी हार्दिक पांड्या संघाचा कर्णधार असेल असे जाहीर केलं. हार्दिक पांड्या नुकताच गुजरात टायटन्समधून उडी मारून मुंबईत आला. हार्दिकचा ट्रेड ऑफ झाल्यानंतरच मुंबई इंडियन्समध्ये कॅप्टन्सी बदलाचे वारे वाहू लागले होते. रोहित कर्णधार पद याच हंगामात जाणार की हार्दिकला एक हंगाम वाट पहावी लागणार एवढीच उत्सुकता होती.
मात्र मुंबई इंडियन्सने 15 डिसेंबरला हार्दिकचा कर्णधार म्हणून राज्याभिषेक केला अन् रोहितच्या चाहत्यांच मन तुटलं. रिटेंशन लिस्ट सादर करण्याच्या शेवटच्या दिवशी अचानक गुजरातचा कर्णधार हार्दिक मुंबई इंडियन्समध्ये परतला. मात्र पडद्यामागच्या घडामोडी या वर्ल्डकपदरम्यान देखील सुरू होत्या असं वृत्त इंडियन एक्सप्रेसने दिलं.
इंडियन एक्सप्रेसने दिलेल्या वृत्तानुसार रोहित शर्माला हार्दिक पांड्या मुंबई इंडियन्सचा कर्णधार करण्यात येणार आहे हे वर्ल्डकपदरम्यानच सांगण्यात आलं होतं. भारतात झालेला वनडे वर्ल्डकप ऑक्टोबरमध्ये सुरू झाला. विशेष म्हणजे रोहित शर्माने आयपीएल 2024 मध्ये हार्दिक पांड्याच्या नेतृत्वाखाली खेळण्याचं मान्य केलं होतं.
हार्दिक पांड्याने 2022 मध्ये मुंबई इंडियन्स सोडली होती. तो गुजरात टायटन्सचा कर्णधार झाला होता. आता तो 2024 मध्ये पुन्हा मुंबई इंडियन्समध्ये आला आहे. माघारी परत येताना हार्दिक पांड्याने एकच अट घातली होती. त्याला मुंबई इंडियन्सचा कर्णधार केलं तरच तो परत येणार होता. यानंतर एमआयच्या व्यवस्थापनाने हार्दिकसोबत पुढं जाण्याचा निर्णय घेतला अन् रोहितला याबाबत कळवण्यात आलं.
मुंबई इंडियन्सने ट्विट केलं की, 'रोहितने 2013 मध्ये मुंबईची कॅप्टन्सी हातात घेतली होती. तू आम्हाला विश्वास ठेवा असं म्हणाला होता. तू विजयात आणि पराभवात देखील चेहऱ्यावर हास्य ठेवण्यास सांगितलस. 10 वर्षं आणि 6 ट्रॉफी आपण आता इंथ आहोत. आमचा कायचा कर्णधार! कॅप्टन रोहित आभारी आहोत.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.