IPL 2023 Rohit Sharma : मुंबई इंडियन्सचा कर्णधार रोहित शर्माचा एक फोटो सोशल मीडियावर प्रंचड व्हायरल होत आहे. या फोटोमध्ये रोहित शर्मा चेहरा लपवताना दिसत आहे. तो काहीही करत असला तरी तो चेन्नई सुपर किंग्जसोबत खेळलेल्या सामन्याचा परिणाम स्पष्टपणे दिसून येतो. फोटो सामन्यादरम्यानचा नसुन त्यानंतरचा आहे. रोहितने असं का केलं असा प्रश्न पडतो. सर्वांसमोर मैदानाच्या मध्यभागी तोंड का लपवले?

वानखेडेवर झालेल्या सामन्यात चेन्नई सुपर किंग्जने मुंबई इंडियन्सचा 11 चेंडू बाकी असताना 7 विकेटने पराभव केला होता. हा सामना जिंकण्यासाठी मुंबईने चेन्नईसमोर 158 धावांचे लक्ष्य ठेवले होते, जे त्याने 18.1 षटकांत 3 गडी गमावून पूर्ण केले. या मोसमात आतापर्यंत खेळलेल्या 3 सामन्यांमधला चेन्नईचा हा दुसरा विजय, तर सलग दुसऱ्या सामन्यात मुंबई इंडियन्सचे खातेही उघडले नाही.

सर्वात लाजिरवाणी गोष्ट म्हणजे त्यांना चेन्नईविरुद्ध त्यांच्याच घरच्या मैदानावर सामना गमवावा लागला. पराभवाच्या या डोसमुळे रोहित शर्माला सामना संपल्यानंतर तोंड लपवावे लागले आहे.

सामन्यानंतर रोहित शर्मा म्हणाला, संघातील सर्व वरिष्ठ खेळाडूंना चांगली कामगिरी करावी लागेल. यात माझाही समावेश आहे. आयपीएलचे स्वरूप आम्हाला चांगले समजले आहे. आपल्याला फक्त गतीची गरज आहे. फक्त २ सामने हरले. पण पुढे जाऊन आपल्याला गती मिळाली तर ते चांगले होईल. त्याच वेळी, आपण हे न केल्यास गोष्टी कठीण होतील. हे आता आपण लक्षात ठेवले पाहिजे.