RCB Name Change : रॉयल चॅलेंजर बेंगलोरने आज एक मोठा बदल केला आहे. त्यांनी आपल्या नावामध्ये बदल केला असून आता रॉयल चॅलेंजर बेंगलोरचे नाव रॉयल चॅलेंजर बंगळुरू असं असणार आहे. यापूर्वीच बेंगलोर शहराचे नाव हे बंगळुरू करण्यात आलं होतं. मात्र आरसीबीने आपल्या नावातील बेंगलोर हे नाव तसच ठेवलं होतं. त्यामुळे आरसीबीच्या नावाबाबत चाहत्यांमध्ये गोंधळ निर्माण होत होता. अखेर त्यांनी नावातील बेंगलोर काढून बंगळुरू केलं आहे.
बेंगलोर शहराचे 2014 मध्ये नाव अधिकृतरित्या बदलण्यात आलं होतं. बेंगलोरचे नाव बंगळुरू करण्यात आलं होतं. तेव्हापासूनच आरसीबीच्या बंगळुरूमधील चाहत्यांची नाव बदलण्याची मागणी होती. मात्र जवळपास 10 वर्षे आरसीबीने आपले नाव बदलले नव्हते अखेर आरसीबीने 2024 च्या हंगामापूर्वी आपल्या नावत बेंगलोर ऐवजी बंगळुरू असं केलं.
आज आरसीबीने आपले किट, लोगो आणि जर्सीचे अनावरण केलं. यावेळी कर्णधार फाफ ड्युप्लेसिस आणि विराट कोहली देखील उपस्थित होते. ड्युप्लेसिसने अनावरणानंतर डीजे एलन वॉकरला नवी जर्सी दिली. यानंतर संपूर्ण आरसीबी संघाला स्टेजवर बोलावण्यात आलं अन् फोटो सेशन झाला.
आरसीबीने गेल्या वर्षी ख्रिस गेल आणि एबी डिव्हिलियर्सचा हॉल ऑफ फेममध्ये समावेश केला होता. त्यानंतर या वर्षी कर्नाटक आणि भारताचे माजी वेगवान गोलंदाज आर विनय कुमारचा देखील समावेश करण्यात आला आहे.
आरसीबी आपला आयपीएलमधील पहिला सामना चेन्नई सुपर किंग्जसोबत खेळणार आहे. 22 मार्च रोजी होणाऱ्या या सामन्यानेच आयपीएल 2024 चा नारळ फुटणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.