इंडियन प्रीमियर लीग (IPL) च्या 15 व्या हंगामात कोलकाता नाइट रायडर्स (KKR) ने दमदार सुरुवात केलीये. त्यांनी दोन सामन्यातील विजयासह स्पर्धेत दिमाखदार खेळ दाखवण्यास तयार असल्याचे संकेत दिले आहेत. संघ लयीत दिसत असताना आता KKR चे मुख्य कोच ब्रँडन मॅकुलमने यष्टीरक्षक फलंदाज शेल्डन जॅक्सनची (Sheldon Jacksons) तुलना थेट भारताचा माजी आणि यशस्वी कर्णधार महेंद्रसिंग धोनीशी (MS Dhoni) केलीये.

यंदाच्या हंगामातील पहिल्या सामन्यात शेल्डन जॅक्सन याने चेन्नई सुपर किंग्ज (CSK) विरुद्धच्या लढतीत विकेटमागे चपळाई दाखवली होती. त्याच्या या कामगिरीनं ब्रँडन मॅकुलम यांना चांगलेच प्रभावित केले आहे. CSK चा फलंदाज रॉबिन उथप्पाचे त्याने जबरदस्त स्टंम्पिंग केली होती.

शेल्डन जॅक्सनने आतापर्यंत भारतीय क्रिकेट संघात स्थान मिळवलेले नाही. देशांतर्गत क्रिकटमध्ये तो प्रकाशझोतात राहिला आहे. आयपीएलमध्ये याआधी तो 2013 आणि 2014 च्या हंगामात रॉयल चॅलेंजर्स बंगळुरु (RCB) चा सदस्यही राहिला आहे. ब्रँडन मॅकुलम यांनी जॅक्सनचा खेळ दिवसांदिवस सुधारत असल्याचे म्हटले आहे.

जॅक्सनची क्षमता धोनीसारखी

स्टार स्पोर्टसच्या वृत्तानुसार KKR चे मुख्य कोच ब्रँडन मॅकुलम म्हणाले की, "शेल्डनच्या कामगिरीत दिवसांदिवस सुधारणार होत आहे. त्याचे वय 35 झाले असली तरी मागील दोन वर्षांत तो कमालीची कामगिरी करत आहे. त्याच्या बॅटिंगमध्येही धमक आहे. त्याची बरोबरी आंद्रे रसेलची बरोबरी करता येणार नाही. पण तो त्या धाटणीतला खेळाडू आहे, असेही ब्रँडन मॅकुलम यांनी म्हटले आहे.