IPL 2023 SRH vs LSG Play-offs Race : लखनौ सुपर जायंटस्‌ आणि सनरायझर्स हैदराबाद यांच्यामध्ये आज आयपीएलमधील लढत रंगणार आहे. प्ले-ऑफमध्ये पोहोचण्याच्या दृष्टीने दोन्ही संघांसाठी विजय महत्त्वाचा आहे. लखनौ सुपर जायंटस्‌ संघाने ११ सामन्यांमधून ११ गुणांची कमाई केली आहे, तर सनरायझर्स हैदराबादने १० सामन्यांमधून ८ गुणांची कमाई केली आहे. याप्रसंगी

लखनौचा संघ सहाव्या विजयासाठी, तर हैदराबादचा संघ पाचव्या विजयासाठी प्रयत्नांची शिकस्त करताना दिसेल. लखनौने उर्वरित तीन लढतींमध्ये विजय मिळवल्यास त्यांचे १७ गुण होतील. अशा परिस्थितीत त्यांना प्ले-ऑफमध्ये पोहोचण्याची संधी अधिक असेल.

कर्णधार के. एल. राहुल दुखापतीमुळे आयपीएल स्पर्धेच्या बाहेर गेला आहे. त्याच्या अनुपस्थितीत काईल मेयर्स (३५९ धावा), निकोलस पुरन (२४८ धावा), मार्कस स्टॉयनिस (२३९ धावा), आयुष बदोनी (२१२ धावा) व क्विंटॉन डी कॉक (७० धावा) यांच्या खांद्यावर लखनौच्या फलंदाजीची जबाबदारी असणार आहे.

आजची लढत

सनरायझर्स हैदराबाद - लखनौ सुपर जायंट्स

स्थळ- हैदराबाद वेळ- दुपारी ३.३० वाजता