हैदराबादने राजस्थानची अवस्था 6 बाद 92 धावा अशी केली. हैदराबादने सामन्यावर पकड निर्माण केली आहे. मात्र ध्रुव जुरेल आणि रोव्हमन पॉवेल यांनी राजस्थानची आशा जिवंत ठेवली आहे.

हैदराबादचे 176 धावांचे आव्हान पार करताना राजस्थानची सुरूवात संथ झाली. मात्र यशस्वीने फटकेबाजी करत धावांची गती वाढवण्याचा प्रयत्न केला. पॉवर प्लेनंतर मात्र हैदराबादचे फिरकीपटू शाहबाज आणि अभिषेक शर्मा यांनी राजस्थानची अवस्था 4 बाद 79 धावा अशी केली.

सनराईजर्स हैदराबादने 20 षटकात 9 बाद 175 धावांपर्यंत मजल मारली.

हेन्री क्लासेनने 33 चेंडूत 50 धावा करत हैदराबादला 18 षटकात 6 बाद 163 धावांपर्यंत पोहचवलं. मात्र संदीप शर्माने क्लासेनला 19 व्या षटकाच्या पहिल्याच चेंडूवर बाद करत राजस्थानला मोठा दिलासा दिला.

हैदराबादचे सहा फलंदाज बाद झाल्यानंतर त्यांचे रनरेट ड्रॉप झाले. क्लासेन क्रिजवर असूनही हैदराबादला 16 षटकात 6 बाद 136 धावाच करता आल्या आहेत.

आवेश खानने नितीश रेड्डीला 5 धावांवर बाद करत हैदराबादला पाचवा धक्का दिला. त्यानंतर अब्दुल समदला शुन्यावर बाद करत आवेशने हैदराबादच्या फलंदाजीचे कंबरडे मोडलं. हैदराबादच्या 14 षटकात 6 बाद 120 धावा अशी अवस्था झाली आहे.

बोल्टने त्रिपाठी आणि मार्करमला बाद करत हैदराबादला चांगले धक्के दिले होते. मात्र ट्रॅविस हेड आणि क्लासेनने आक्रमक फलंदाजी करत हैदराबादला चांगल्या स्थितीत पोहचवलं. मात्र संदीपनं 10 व्या षटकात त्याला 34 धावांवर बाद करत हैदराबादची अवस्था 10 षटकात 4 बाद 99 धावा अशी केली.

15 चेंडूत 37 धावा करत हैदराबादचे पॉवर प्लेमध्येच अर्धशतक पूर्ण करून देणाऱ्या राहुल त्रिपाठीला अखेर ट्रेंट बोल्टने बाद केले.

ट्रेंट बोल्टने अभिषेक शर्माला 12 धावांवर बाद केल्यानंतर राहुल त्रिपाठी आणि ट्रॅविस हेडने पॉवर प्लेमध्ये आक्रमक सुरूवात करण्याचा प्रयत्न केला. त्यांनी 4 षटकात 45 धावा केल्या.

राजस्थान रॉयल्सने दुसऱ्या क्वालिफायर सामन्यात नाणेफेक जिंकून प्रथम गोलंदाजी करण्याचा निर्णय घेतला आहे. संजूने संघात कोणताही बदल केलेला नाही.

हैदराबाद आणि राजस्थान यांच्यात आतापर्यंत 19 सामने झाले आहेत. यातील 10 सामने हैदराबादने तर राजस्थानने 9 सामन्यात विजय मिळवला आहे. म्हणजे या दोघांच्यात काटें की टक्कर आहे. हैदराबाद आणि राजस्थान यांच्यातील यंदाच्या हंगामातील लीग स्टेजमधील दोन सामन्यापैकी एक सामना हा शेवटच्या चेंडूपर्यंत रंगला होता. त्या सामन्यात हैदराबादची सरशी झाली होती.

आयपीएल 2024 च्या दुसऱ्या क्वालिफायर सामन्यात सनराईजर्स हैदराबादने राजस्थान रॉयल्सचा 36 धावांनी पारभव करत फायनल गाठली. हैदराबादच्या 176 धावांचा पाठलाग करताना राजस्थानला 20 षटकात 7 विकेट्स गमावून 139 धावांपर्यंतच मजल मारता आली.

राजस्थानकडून ध्रुव जुरेलने झुंजार फलंदाजी करत अर्धशतकी (नाबाद 56 धावा) खेळी केली. यशस्वी जयस्वालने 21 चेंडूत 42 धावा केल्या. मात्र हैदराबादचे फिरकीपटू शाहबाज अहमदने 3 तर अभिषेक शर्माने 2 विकेट्स घेतल्या. कमिन्स अन् नटराजनने प्रत्येकी 1 विकेट घेतली.

राजस्थान रॉयल्सने नाणेफेक जिंकून प्रथम गोलंदाजी करत सनराईजर्स हैदराबादला 20 षटकात 9 बाद 175 धावात रोखलं. राजस्थानकडून ट्रेंट बोल्ट आणि आवेश खान यांनी प्रत्येकी 3 विकेट्स घेतल्या. हैदराबादकडून हेन्री क्लासेनने सर्वाधिक 50 धावा केल्या. तर राहुल त्रिपाठीने 15 चेंडूत 37 धावा करत हैदराबादला दमदार सुरूवात करून दिली होती.