Suryakumar Yadav IPL 2023 : आयपीएलचा सर्वात हाय व्होल्टेज सामना, एल क्लासिको मुंबई विरूद्ध चेन्नई सामना आज वानखेडेवर होत आहे. मुंबई इंडियन्सचा संघ हंगामात पहिल्यांदाच आपल्या होम ग्राऊंडवर लाडक्या प्रेक्षकांसमोर खेळत आहे. याबाबत संघाचा 360 डिग्री खेळाडू सूर्यकुमार यादव नॉस्टेल्जिक देखील झाला होता.
मात्र सूर्यकुमार यादवला आपल्या होम ग्राऊंडवर दोन चेंडू देखील फलंदाजी करता आली नाही. मुंबईला गरज असताना तो अवघ्या 2 चेंडूत 1 धावा करून पॅव्हेलियनमध्ये परतला. सूर्या बाद झाल्याने मुंबईची चांगली होऊ पाहणारी सुरूवात खराब सुरूवातीत बदलली.
चेन्नई सुपर किंग्ज विरूद्ध मुंबई इंडियन्स या हाय व्होल्टंज सामन्यात मुंबईच्या होम ग्राऊंडवर चेन्नईने नाणेफेक जिंकून प्रथम गोलंदाजी स्विकारली. मुंबईचे सलामीवीर रोहित शर्मा आणि इशान किशन यांनी 4 षटकात 38 धावा करत चांगली सुरूवात करून देण्याचा प्रयत्न केला.
मात्र रविंद्र जडेजा आणि मिचेल सँटनर या दोन डावखुऱ्या फिरकी गोलंदाजांनी मुंबईच्या फलंदाजीचे कंबरडेच मोडले. या दोघांनी पाठोपाठच्या षटकात दोन विकेट्स मिळवल्या. अशी कामगिरी त्यांनी दोन वेळा केली.
जडेजाने कॅमरून ग्रीनला 12 तर इशान किशनला 32 धावांवर बाद केले. तर मिचेल सँटनरने सूर्यकुमार यादवला 1 धावेवर आणि अर्शद खानला 2 धावेवर बाद केले. यामुळे मुंंबईची अवस्था 5 बाद 76 अशी झाली. आता मुंबईची भिस्त ही टीम डेव्हिड आणि 20 वर्षाच्या तिलक वर्मावर होती मात्र 18 चेंडूत 22 धावा केल्यावर जडेजाने त्याला देखील पॅव्हेलियनची वाट दाखवली.
हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.