Ishan Refuses To Sign Autograph On Fans Mobile : भारताचा स्टार फलंदाज इशान किशनने नुकतेच बांगलादेशविरूद्ध वनडे सामन्यात सर्वात वेगवान द्विशतक ठोकले होते. त्यानंतर इशान किशनची भारतीय क्रिकेट चाहत्यांमध्ये तुफान क्रेझ निर्माण झाली आहे. डावखुरा आक्रमक शैलीचा फलंदाज इशांत किशन सध्या रणजी ट्रॉफी स्पर्धेत देखील आपला धुमाकूळ घालत आहे. त्याने पहिल्याच सामन्यात शतक झळकावत आपला शतकांचा धडाका सुरूच ठेवला आहे.

दरम्यान, इशान किशननला एका चाहत्याने त्याच्या फोनच्या मागील बाजूस स्वाक्षरी करण्याची विनंती केली होती. मात्र इशान किशनने या चाहत्याच्या फोनवर स्वाक्षरी करण्यास नकार दिला. इशान किशनने चाहत्याला स्वाक्षरीस नकार देण्यामागचे कारण ऐकून तुम्ही देखील इशान किशनचे फॅन होऊन जाल.

इशान किशनने या चाहत्याच्या फोनवर स्वाक्षरी करतेवेळी पाहिले की या फोनवर आधीच भारताचा महान कर्णधार महेंद्रसिंह धोनीची स्वाक्षरी आहे. यानंतर इशान किशनने या फोनवर धोनीच्या स्वाक्षरीवर आपली स्वाक्षरी करण्यास नकार दिला. इशान किशन या चाहत्याला म्हणाला की, 'मी अजून धोनीइतकी उंची गाठू शकलेलो नाही. मी माझी स्वाक्षरी खाली तळात करतो.'

इशान किशन जरी मुळचा बिहारचा असला तरी तो देशांतर्गत क्रिकेटमध्ये धोनीच्या राज्याचे म्हणजे झारखंडचे प्रतिनिधित्व करतो. इशान किशन बांगलादेशविरूद्धची वनडे मालिाक संपल्यानंतर मायदेशात परतला असून तो आता रणजी ट्रॉफीत खेळतोय.

हेही वाचा : असं एक गाव, जिथं जमिनीला कान लावला तरी संगीत ऐकू येतं...