Wrestling Federation Of India Election : बृजभूषण शरण सिंह यांच्यामुळे गेल्या अनेक महिन्यापासून वादाच्या भोवऱ्यात सापडलेल्या भारतीय कुस्ती महासंघाची निवडणूक आता जम्मू काश्मीर उच्च न्यायालयाचे निवृत्त मुख्य न्यायधीशांच्या देखरेखीखाली पार पडणार आहे. जम्मू काश्मीर उच्च न्यायालयाचे निवृत्त मुख्य न्यायाधीश महेश मित्तल कुमार यांची भारतीय कुस्ती महासंघाच्या निवडणुकासाठी रिटर्निंग ऑफिसर म्हणून नियुक्ती करण्यात आली आहे.
भारताच्या ऑलिम्पिक पदक विजेत्या महिला कुस्तीपटूंनी भारतीय कुस्ती महासंघाचे अध्यक्ष बृजभूषण शरण सिंह यांच्याविरूद्ध लैंगिक शोषणाचे आरोप केले. या कुस्तीपटूंनी बृजभूषण यांना अटक करून त्वरित पदावरून हटवण्याची मागणी केली होती. मात्र एफआयआर दाखल होऊनही बृजभूषण यांना अटक झाली नाही. दिल्ली पोलीस याबाबत अजून तपास करत आहेत.
दुसरीकडे क्रीडा मंत्रालयाने एक समिती नेमून बृजभूषण यांना भारतीय कुस्ती महासंघाच्या दैनंदिन कामकाजापासून दूर ठेवले.
बृजभूषण हे यंदाची अध्यक्षपदाची निवडणूक लढवणार नाहीयेत. ब्रिज भूषण यांनी अध्यक्षपदाच्या चार वर्षांच्या तीन टर्म पूर्ण केल्या आहेत. त्यांनी १२ वर्षे कार्यकाळ पूर्ण केला आहे. आचारसंहितेनुसार आता त्यांना मोठ्या पदावर कार्यरत होता येणार नाही. आता त्यांचे वय ६६ आहे. त्यांना चार वर्षे कुलींग ऑफ पीरियडचा सामना करावा लागेल. त्यानंतर त्यांचे वय ७० होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.