Jasprit Bumrah returns to No1 position in ICC Ranking : टीम इंडियाचा वेगवान गोलंदाज जसप्रीत बुमराहने आयसीसीच्या टॉप वनडे गोलंदाजांच्या क्रमवारीत जलवा दाखवत आहे. जसप्रीत बुमराह आता 718 रेटिंगसह क्रमवारीत पहिल्या स्थानावर आला आहे. यापूर्वी तो चौथ्या स्थानावर होता.

बुमराहने न्यूझीलंडच्या ट्रेंट बोल्टला मागे टाकून अव्वल स्थान मिळवले आहे. बोल्ट आता दुसऱ्या स्थानावर आहे. लंडनच्या ओव्हल मैदानावर इंग्लंडविरुद्ध अप्रतिम कामगिरी करणारा जसप्रीत बुमराह आता एकदिवसीय आंतरराष्ट्रीय क्रिकेटमध्ये नंबर वन गोलंदाज बनला आहे.

बुमराह एकूण 730 दिवस एकदिवसीय क्रमवारीत पहिल्या क्रमांकावर राहिला होता. जे इतर कोणत्याही भारतीय खेळाडूपेक्षा जास्त आहे. याआधी बुमराह टी-20 चा नंबर-1 गोलंदाजही राहिला आहे. कसोटी क्रमवारीत तो सध्या तिसऱ्या क्रमांकावर आहे, जे त्याच्या कारकिर्दीतील सर्वोत्तम क्रमवारी आहे. अनिल कुंबळे, रवींद्र जडेजा हे देखील वनडे क्रमवारीत पहिल्या क्रमांकावर राहिले आहेत.

एकदिवसीय क्रमवारीत अव्वल 10 गोलंदाजांमध्ये जसप्रीत बुमराह व्यतिरिक्त एकही भारतीय नाही. लेगस्पिनर युजवेंद्र चहलचा टॉप-20 मध्ये समावेश झालेला भारतीय गोलंदाज आहे. तो 20 व्या क्रमांकावर आहे. मोहम्मद शमी 23व्या तर भुवनेश्वर कुमार 24व्या स्थानावर आहे.