IND vs ENG Test KS Bharat : भारत आणि इंग्लंड यांच्यात 5 कसोटी सामन्यांची मालिका होणार आहे. मालिकेतील पहिला सामना हा हैदराबाद येथे 25 जानेवारीपासून सुरू होईल. या मालिकेतील पहिल्या दोन कसोटी सामन्यांसाठी भारतीय संघाची घोषणा झाली आहे. भारतीय संघाने दोन विकेटकिपर्सना स्थान दिले आहे. संघात केएल राहुल असून देखील केसी भरत आणि ध्रुव जुरेल यांची निवड करण्यात आली आहे.
केएल राहुल या मालिकेत विकेटकिपिंग करणार नाहीये. त्यामुळे केसी भरत हा भारताचा विकेटकिपर असणार आहे. तर युवा ध्रुव जुरेल हा त्याचा बॅकअप म्हणून संघात असेल. जरी केसी भरतचे प्लेईंग 11 मधील स्थान पक्के असले तरी इंग्लंडविरूद्धची कसोटी मालिका ही केसी भरतसाठी शेवटची संधी असेल. जर या मालिकेत त्याने विकेटकिपिंगसोबतच फलंदाजीतही योगदान दिलं नाही तर त्याला संघातून डच्चू देखील मिळू शकतो.
केसी भरतकडे चांगली कामगिरी करून संघातील स्थान टिकवण्यासाठी फक्त 2 कसोटी सामने असतील. जर तो फेल गेला तर भारतीय संघ पुन्हा केएल राहुलकडे वळू शकतो. ध्रुव जुरेलला इंग्लंडविरूद्धच्या महत्वाच्या मालिकेत संधी मिळेल याची शक्यता थोडी कमी आहे.
त्यामुळे आंध्र प्रदेशच्या 30 वर्षाच्या केसी भरतसाठी परिस्थिती करो या मरोची असणार आहे. भरतला 13 कसोटी मालिकेत बेंचवर बसल्यानंतर प्लेईंग 11 मध्ये खेळण्याची संधी मिळाली होती. ज्यावेळी ऋषभ पंत आणि केएल राहुल दुखापतग्रस्त होते त्यावेळी केसी भरतला संधी मिळाली होती.
केसी भरतने शेवटचा सामना जून 2023 WTC फायनलमध्ये खेळला. तो देशांतर्गत क्रिकेट स्पर्धेत आणि भारत अ संघाकडून खेळताना चांगली कामगिरी करतोय. मात्र त्याच्यासमोर भारत आणि इंग्लंडविरूद्धच्या मालिकेत चमकदार कामगिरी करण्याचं आव्हान असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.