कोच सोडून इतर कोणालाही कोरोनाची लागण नाही

जमैका: पाकिस्तानचे मुख्य प्रशिक्षक (Pakistan Head Coach) मिस्बाह उल हक (Misbah-Ul-Haq) याला वेस्ट इंडिज दौऱ्यावर (Windies Tour) असताना कोरोनाची (Covid-19) लागण झाली. जमैकामध्ये सध्या पाकिस्तानचा संघ क्रिकेट मालिका (Cricket Series) खेळत असून मिस्बाह त्या संघासोबत आहे. त्याच वेळी त्याचा कोरोना रिपोर्ट पॉझिटिव्ह (Corona Positive) आला आहे. दोन सामन्यांची विंडिज-पाकिस्तान (WI vs PAK) कसोटी मालिका नुकतीच संपली. त्यानंतर मिस्बाहचे रिपोर्ट्स पॉझिटिव्ह (Reports) आल्याची माहिती आहे. कसोटी मालिका संपल्यानंतर मिस्बाह पाकिस्तानच्या संघासोबत पाकिस्तानला परतणार होता, पण आता मात्र त्याला जमैकामध्येच (Jamaica) थांबावं लागणार आहे. १० दिवस विलगीकरणात (Isolation) राहिल्यानंतर त्याची पुन्हा टेस्ट (Test) केली जाईल आणि त्यानंतरच त्याला मायदेशी परतण्याची परवानगी देण्यात येईल.

पाकिस्तान क्रिकेट बोर्ड मिस्बाह उल हक यांच्या प्रकृतीबद्दलच्या अपडेट्ससाठी विंडिजच्या क्रिकेट बोर्डाशी सतत संपर्कात आहे. मिस्बाहला दुसऱ्या हॉटेलमध्ये हलवण्यात येणार असून तिथे तो १० दिवसांच्या आयसोलेशनमध्ये असणार आहे. या १० दिवसांच्या कालावधीत क्वारंटाइन असलेल्या मिस्बाहच्या प्रकृतीवर लक्ष ठेवण्यासाठी एक वैद्यकीय तज्ज्ञदेखील तैनात करण्यात आला आहे. मिस्बाह लवकर तंदुरूस्त होईल", अशी माहिती पाक क्रिकेट बोर्डाने दिली. जमैकाला असलेल्या संपूर्ण पाकिस्तान चमूतील केवळ मिस्बाहलाच कोरोनाची बाधा झाली आहे. बाकी कोणालाही कोरोना झालेला नाही.

पाकिस्तानी संघाचा विंडिज नुकताच संपला. टी२० मालिकेने दौऱ्याचा प्रारंभ झाला, पण चार पैकी तीन सामने पावसामुळे रद्द झाले. पहिला सामना १५ षटकांच्या खेळानंतर थांबला. तर तिसरा आणि चौथा सामना पाच षटकांपर्यंतही पोहोचू शकला नाही. केवळ दुसरा टी२० सामना पूर्ण खेळला गेला. त्यात पाकिस्तानने १५७ धावांचा यशस्वी बचाव केला.