Mohammed Shami India Vs New Zealand Semi Final : भारत विरुद्ध न्यूझीलंड वर्ल्ड कपच्या 2023 उपांत्य फेरीचा सामना मुंबईतील वानखेडे स्टेडियमवर खेळला जात आहे.

विराट कोहलीने एकदिवसीय शतकातील अर्धशतक पूर्ण केले, तर श्रेयस अय्यरने सलग दुसऱ्या सामन्यात शतक झळकावले, ज्यामुळे भारताने येथे न्यूझीलंडविरुद्धच्या वर्ल्ड कप उपांत्य फेरीत चार गडी गमावून 397 धावांची मजल मारली.

कोहलीने 117 चेंडूत 113 धावा केल्या, तर अय्यरने 70 चेंडूत 105 धावा केल्या. या दोघांनी 128 चेंडूत 163 धावा जोडल्या. तत्पूर्वी, कर्णधार रोहित शर्माने 29 चेंडूत 47 धावांची तुफानी खेळी करत भारताला वेगवान सुरुवात करून दिली, तर शुभमन गिलने अखेरच्या षटकात पुनरागमन करत 66 चेंडूत 80 धावांची नाबाद खेळी केली.

भारताच्या 397 धावांचा पाठलाग करण्यासाठी आलेल्या न्यूझीलंडच्या सलामीच्या जोडीने संघाला दमदार सुरुवात करून दिली. मात्र सहाव्या षटकात डेव्हॉन कॉनवेच्या रूपाने किवीजला पहिला धक्का बसला. यानंतर शमीने पुन्हा एकदा आठव्या षटकात रचिन रवींद्रला आऊट करून न्यूझीलंडला आणखी एक मोठा धक्का दिला.

सलामीची जोडी पॅव्हेलियनमध्ये परतल्यानंतर भारतीय गोलंदाज लवकरच न्यूझीलंडवर वर्चस्व गाजवतील असे वाटत होते, पण डॅरिल मिशेल आणि कर्णधार केन विल्यमसन यांनी अप्रतिम भागीदारी करत 28 षटकांत धावसंख्या 180 धावांपर्यंत नेली. यानंतर 29व्या षटकात जसप्रीत बुमराह आला, आणि त्याने केन विल्यमसनला जवळपास आऊट केले पण शमीच्या निष्काळजीपणामुळे तो कॅच सुटला. त्यानंतर संपूर्ण चाहत्यांना वाटलं की भारताने हा सामना गमावला.

या कॅच ड्रॉपच्या घटनेनंतर फक्त 3 षटके झाली होती. आणि कर्णधाराने शमीवर विश्वास व्यक्त केला आणि 33 व्या षटकात त्याला चेंडू दिला. शमीने दुसऱ्याच चेंडूवर आपली चूक सुधारत केन विल्यमसनला पॅव्हेलियनचा रस्ता दाखवला आणि त्यानंतर चौथ्या चेंडूवर टॉम लॅथमला शून्यावर आऊट केले. अशाप्रकारे शमीने केवळ धावसंख्येवर तोडगा काढला नाही तर सामना भारताच्या झोळीत आणला.