Kapil Dev on Team India : वेस्ट इंडिजविरुद्धच्या दुसऱ्या वनडे सामन्यात भारतीय संघाच्या फलंदाजीच्या क्रमात विचित्र चढ-उतार पाहायला मिळाले. ज्यांच्या मुळे टीम इंडियाला पराभवाला सामोरे जावे लागले. आता या मालिकेत दोन्ही संघ 1-1 ने बरोबरीत पोहोचले आहेत. या पराभवानंतर संघाला टीकेलाही सामोरे जावे लागत आहे. 1983 चा विश्वचषक विजेता कपिल देव यांनीही आपला राग भारतीय खेळाडूंवर काढला आहे.

दुसऱ्या एकदिवसीय सामन्यात संघाचा नियमित कर्णधार रोहित शर्मा आणि स्टार फलंदाज विराट कोहली प्लेइंग इलेव्हनचा भाग नव्हते. या सामन्यात संजू सॅमसन, सूर्यकुमार यादव, इशान किशन या खेळाडूंना महत्त्व देण्यात आले. इशान किशनने शानदार अर्धशतकी खेळी केली, याशिवाय एकाही फलंदाजाला 30 चा आकडा गाठता आला नाही.

टीम इंडिया 200 रन्सच्या आत गडगडली, प्रत्युत्तर म्हणून यजमान टीमने 36.4 ओव्हरमध्ये 182 रन्सचं टार्गेट पूर्ण केलं. भारतीय खेळाडू पैशाच्या अहंकारात बुडाले आहेत, असे कपिल देव यांचे मत आहे.

कपिल देव यांनी एका मुलाखतीत भारतीय खेळाडूंवर सडकून टीका केली आहे. त्याचा असा विश्वास आहे की काहीवेळा अहंकार जास्त पैसा असण्याने येतो. सध्याच्या काळातील खेळाडू पैशाच्या गर्वात माजी खेळाडूंचा सल्ला घेत नाहीत आणि तीच चूक पुन्हा पुन्हा करतात, असे कपिल देव यांना वाटते.

कपिल देव म्हणाले की, या खेळाडूंची चांगली गोष्ट म्हणजे ते खूप आत्मविश्वासू आहेत. नकारात्मक बाजू म्हणजे त्यांना वाटते की त्यांना सर्वकाही माहित आहे. यापेक्षा चांगले कसे ठेवायचे ते मला माहित नाही, परंतु त्यांना आत्मविश्वास आहे.

ते म्हणाले की, “तुम्हाला कोणाला विचारण्याची गरज नाही. आम्हाला विश्वास आहे की एक अनुभवी व्यक्ती तुम्हाला मदत करू शकते. कधी कधी खूप पैसा आला की अहंकार येतो. या क्रिकेटपटूंना वाटते की त्यांना सर्व काही माहित आहे. हाच फरक आहे. मी म्हणेन की असे बरेच क्रिकेटपटू आहेत ज्यांना मदतीची गरज आहे. सुनील गावसकर असताना तुम्ही त्यांच्याशी का बोलू शकत नाही? अहंकार कुठे आहे? तसा अहंकार नाही. त्यांना वाटते की आपण पुरेसे चांगले आहोत.