World Athletics Championships Neeraj Chopra : जागतिक अॅथलेटिक्स चॅम्पियनशिप 2023 मध्ये आज भारताचा पुरूष भालाफेक स्पर्धेत भारताच्या नीरज चोप्रा (88.77 मीटर), किशोर जेना (80.75 मीटर) आणि डीपी मनू (81.31) या तीनही भालाफेकपटूंनी फायनलमध्ये प्रवेश केला.
भारतासोबतच पाकिस्तानचा भालाफेकपटू अर्शद नदीम (86.79 मीटर) याने देखील अंतिम फेरी गाठली. तो ग्रुप B मध्ये अव्वल राहिला तर भारताचा नीरज चोप्रा हा ग्रुप A मध्ये अव्वल स्थानावर राहिला. आता पुरूष भालाफेकीची अंतिम फेरी ही 27 ऑगस्टला होणार आहे.
पाकिस्तानच्या अर्शद नदीमने 86.89 मीटर लांब भाला फेकून ग्रुप B मध्ये अव्वल स्थान पटकावले. याचबरोबर तो फायलनसाठी पात्र देखील झाला. त्याच्या जोडीने ग्रुप B मधून वडलेच देखील 83. 50 मीटर भालाफेक करून फायनलसाठी पात्र झाला आहे.
ग्रुप B मध्ये समाविष्ट असलेल्या भारताच्या किशोर जेनाने पहिल्या प्रयत्नात 80.75 मीटर लांब भाला फेकला.
नीरज चोप्राने आपल्या एकच 88.77 मीटर लांब भालाफेकीत जागतिक अॅथलेटिक्स अजिंक्यपदस्पर्धेची फायनल गाठली आणि पॅरिस ऑलिम्पिकसाठी देखील तो पात्र झाला आहे.
ग्रुप A मधील भारताचा दुसरा भालाफेकपटू डीपी मनूने दुसऱ्या फेरीत 81.31 मीटर लांब भाला फेकला. तो सध्या यादीत तिसऱ्या स्थानावर पोहचला आहे. मात्र फायनलचा पात्रता मार्क हा 83 मीटर आहे.
गेल्या दोन जागतिक अॅथलेटिक्स अजिंक्यपद स्पर्धेत विजेतेपद पटकावणाऱ्या अँडरसन पीटर्सचे पहिले दोन प्रयत्न त्याच्या लौकिकास साजेसे राहिले नाहीत. त्याने पहिल्या प्रयत्नात 78.02 मीटर तर दुसऱ्या प्रयत्नात 77.51 मीटर लांब भाला फेकला. गेल्या स्पर्धेत त्याने 90.54 मीटर लांब भाला फेकत सुवर्ण पदक पटकावले होते.
भारताचा तिसरा भालाफेकपटू किशोर जेनाचा ग्रुप B मध्ये समावेश आहे. त्याची वैयक्तिक आणि हंगामातील सर्वोत्तम कामगिरी 84.38 मीटर इतकी आहे.
ग्रुप A मधील भारताचा दुसरा भालाफेकपटू मनुने 78.10 मीटर भालाफेक केली.
नीरज चोप्राने ग्रुप A मधील आपल्या पहिल्या प्रयत्नात 88.77 मीटर लांब भालाफेक करत हंगामातील आपली सर्वात चांगली कामगिरी केली. तो आत ग्रुप A मध्ये पहिल्या स्थानावर आला आहे. याचबरोबर तो फायनलसाठी पात्र होणारा पहिला भालाफेकपटू देखील ठरला.
जागितक अॅथलेटिक्स अजिंक्यपद स्पर्धेत पुरूष भालाफेक पात्रता फेरीत 83 मीटर भालाफेक केल्यानंतर ते थेट पात्र होणार आहेत. नीरज चोप्राने यंदाच्या हंगामात दोहा डायमंड लीग स्पर्धेत 88.67 मीटर लांब भाला फेकला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.