ODI World Cup 2023 Rohit Sharma Record : आयसीसी वर्ल्डकप 2023 मध्ये टीम इंडियाची आतापर्यंतची कामगिरी अप्रतिम राहिली आहे. पहिल्या दोन सामन्यांमध्ये खेळाडूंनी ज्या प्रकारची कामगिरी दाखवली, त्यावरून आगामी काळातही हा कारवाँ इथेच थांबणार नसल्याचे दिसत आहे.
ऑस्ट्रेलियाविरुद्धच्या पहिल्या सामन्यात विराट कोहली आणि केएल राहुलने अप्रतिम खेळी खेळली, तर अफगाणिस्तानविरुद्ध कर्णधार रोहित शर्माने आपल्या ताकद दाखवली. पण, या सामन्यात रोहित शर्माने केलेला विक्रम श्रेयस अय्यरने अवघ्या तासाभरात मोडला.
आयसीसी वर्ल्डकप 2023 मध्ये भारत आणि अफगाणिस्तान यांच्यात दिल्लीच्या अरुण जेटली स्टेडियमवर खेळल्या गेलेल्या सामन्यात रोहित शर्माने शानदार शतक झळकावून अनेक विक्रम मोडीत काढले, तर इशान किशननेही 47 चेंडूत 47 धावांची दमदार खेळी केली. यानंतर तिसऱ्या क्रमांकावर आलेल्या विराट कोहलीने 56 चेंडूत 55 धावा केल्या.
चौथ्या क्रमांकावर आलेल्या श्रेयस अय्यरने 23 चेंडूत 25 धावा केल्या. यामध्ये एक चौकार आणि एका षटकाराचा समावेश होता. पण हा एक षटकार मारत श्रेयस अय्यरने नवा विक्रम रचला. त्याचा षटकार 101 मीटर अंतराचा होता, जो यंदाच्या वर्ल्डकप मधला सर्वात लांब षटकार होता. विशेष म्हणजे याच्या काही वेळापूर्वी रोहित शर्माने 93 मीटर लांब षटकार ठोकला होता, मात्र श्रेयस अय्यरने त्याच्या कर्णधाराचा विक्रम तोच उद्ध्वस्त केला.
वनडे वर्ल्डकप 2023 मधील सर्वात लांब षटकार बद्दल बोलायचे झाले तर, श्रेयस अय्यर 101 मीटर लांब षटकार मारून पहिल्या क्रमांकावर पोहोचला आहे. तर रोहित शर्मा 93 मीटरचा षटकार ठोकून दुसऱ्या क्रमांकावर आहे. दक्षिण आफ्रिकेच्या मार्को जॅनसेनने 89 मीटर लांब षटकार मारत तिसऱ्या क्रमांकावर आहे. इंग्लंडच्या जोस बटलरने न्यूझीलंडविरुद्ध 88 मीटर लांब षटकार ठोकला होता. या यादीत जोस बटलरही पाचव्या क्रमांकावर आहे. त्याने न्यूझीलंडविरुद्ध 87 मीटरचा षटकारही मारला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.