Paris Olympic 2024 Schedule on 1 August: पॅरिस ऑलिम्पिक २०२४ स्पर्धेतील पाच दिवसांचे खेळ संपले आहेत. या पाच दिवसात भारताच्या खात्यात २ पदके आहेत. आता तिसरं पदक स्पर्धेच्या सहाव्या दिवशी म्हणजेच गुरुवारी येऊ शकतं. महाराष्ट्राचा नेमबाज स्वप्नील कुसळेने ५० मीटर रायफल थ्री पोझिशन या प्रकारात अंतिम फेरी गाठली आहे.
त्यामुळे गुरुवारी तो पदक मिळवण्यासाठी निशाणा साधताना दिसणार आहे. जर त्यानं पदक जिंकलं तर यंदाच्या ऑलिम्पिकमधलं हे नेमबाजीतील तिसरं पदक ठरेल. इतकंच नाही तर पहिल्यांदाच एकाच ऑलिम्पिकमध्ये नेमबाजीतून भारताच्या खात्यात ३ पदकं जमा होतील.
इतकंच नाही तर बॅडमिंटनमध्ये पुरुष एकेरीच्या उपउपांत्यपूर्व फेरीत भारताचेच दोन खेळाडू लक्ष्य सेन आणि एचएस प्रणॉय आमने-सामने असणार आहेत. तसेच पीव्ही सिंधू, सात्विक-चिराग यांचेही सामने होणार आहेत.
याशिवाय भारताच्या ऍथलेटिक्समधील मोहिमेलाही सुरुवात होत आहे. आज २० किलोमीटर चालण्याच्या शर्यत होणार आहे. पुरुष गोल्फचीही पहिली फेरी गुरुवारी सुरू होत असून यात भारताचे शुभंकर शर्मा आणि गगनजीत भुल्लर सहभागी होणार आहेत.
हॉकीमध्ये भारताचा सामना बलाढ्य बेल्जियमविरुद्ध होणार आहे. बॉक्सिंगमध्ये निखत झरिन रिंगणात उतरेल, तर तिरंदाजीत महाराष्ट्राचा प्रवीण जाधव निशाणा साधताना दिसणार आहे. त्याचबरोबर महिलांच्या सेलिंगमध्ये नेत्रा कुमनन उतरणार आहे. एकूणच भारतासाठी सहावा दिवस कसा असेल जाणून घेऊ.
पुरुष २० किमी चालण्याची शर्यत (सकाळी ११ वाजता) (अक्षदीप सिंग, विकास सिंग, परमजीत सिंग)
महिलांची २० किमी चालण्याची शर्यत (दुपारी १२.५० वाजता) (प्रियंका गोस्वामी)
पुरुष ५० मीटर रायफल थ्री पोझिशन फायनल (दुपारी १.०० वाजता) (स्वप्निल कुसळे)
महिला ५० मीटर रायफल थ्री पोझिशन क्वालिफायर्स (दुपारी ३.३० वाजता) (सिफत कौर सामरा, अंजुम मौदगिल)
पुरुष एकेरी उपउपांत्यपूर्व फेरी (दुपारी १२ वाजल्यापासून) (लक्ष्य सेन विरुद्ध एचएस प्रणॉय)
पुरुष दुहेरी क्वार्टरफायनल (दुपारी ४.३० वाजल्यापासून) (सात्विकसाईराज रंकीरेड्डी आणि चिराग शेट्टी)
महिला एकेरी उपउपांत्यपूर्व फेरी (रात्री १० वाजल्यापासून) (पीव्ही सिंधू)
पुरुष वैयक्तिक स्ट्रोक प्ले पहिली फेरी (दुपारी १२.३० वाजता)(शुभंकर शर्मा, गगनजीत भुल्लर)
भारत विरुद्ध बेल्जियम (दुपारी १.३० वाजता)
महिला ५० किलो वजनी गट राऊंड ऑफ १६ (दुपारी २.३० वाजता) (निखत झरिन)
पुरुष वैयक्तिक राऊंड ऑफ ६४ (दुपारी २.३१ वाजता) (प्रवीण जाधव)
पुरुष वैयक्तिक राऊंड ऑफ ३२ (दुपारी ३.१०) (जर पात्र ठरला तर)
पुरूष डिंघी शर्यत १ आणि २ (दुपारी ३.४५ वाजता) (विष्णू सरावनन)
महिला डिंघी शर्यत १ आणि २ (संध्या. ७.०५ वाजता) (नेत्रा कुमनन)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.