Pawan Sehrawat Injured : प्रो कबड्डी लीगच्या नवव्या हंगामात तमिळ थलैवासची सुरुवात चांगली झाली नाही. थलायवास गुजरात जायंट्सविरुद्ध मोसमातील पहिला सामना खेळत असून पूर्वार्धातच त्यांना मोठा धक्का बसला आहे. लीगमधील सर्वात मोठा स्टार पवन सेहरावत दुखापतग्रस्त झाला आहे. बचाव करताना पवन जखमी झाला असून त्याला स्ट्रेचरवरून बाहेर काढण्यात आले.

थलायवाससाठी मॅटवर फक्त दोनच खेळाडू होते. यादरम्यान पवनने सहकारी बचावपटूला मदत करण्याचा प्रयत्न केला, परंतु त्याचा पाय वळल्यामुळे तो जखमी झाला. पवनच्या गुडघ्याला दुखापत झाली असून तो वेदनेने ओरडत होता. फिजिओने तिथे येऊन त्याला मदत करण्याचा प्रयत्न केला. वेदनेने ओरडणाऱ्या पवनला पायही हलवता येत नव्हता. यानंतर त्याला मैदानाबाहेर काढावे लागले. तो चालण्याच्या स्थितीतही नव्हता आणि त्यामुळेच त्याला स्ट्रेचरवरून बाहेर काढण्यात आले.

पवन हा लीग इतिहासातील सर्वात महागडा खेळाडू आहे. थलायवासने त्याला यंदाच्या मोसमाच्या लिलावात 2.26 कोटी रुपयांना विकत घेतले आहे. पहिल्याच सामन्यात त्याची दुखापत हा संघासाठी मोठा धक्का आहे. पवनला संघाचा कर्णधारही बनवण्यात आले आहे. मोसमातील पहिल्या सामन्यात पवनने केवळ दोनच चढाई केली.