आयसीसीच्या पुढील फ्युचर टूर प्रोग्राम (FTP) कॅलेंडरमध्ये आयपीएलला अडीच महिन्यांची कालावधी देण्याच्या प्रस्ताव आंतरराष्ट्रीय क्रिकेट परिषदकडे (ICC) यांच्याकडे दिला आहे. त्यावर पाकिस्तान क्रिकेट बोर्डने (PCB) उर्वरित बोर्डाशी चर्चा सुरू केल्या आहे. कारण त्याचा विश्वास आहे की आयपीएलमुळे अनेक आंतरराष्ट्रीय मालिकांवर त्याचा परिणाम होईल.(pcb on ipl icc bcci pakistan cricket baord complaint ftp calender)

बीसीसीआयचे सचिव जय शाह यांनी पीटीआयशी केलेल्या विशेष संभाषणात सांगितले आहे की, 2024 ते 2031 या कालावधीत एफटीपी सायकलमध्ये आयपीएलसाठी अडीच महिन्यांचा कालावधी असेल. शाह म्हणाले, 'पुढील एफटीपी सायकलपासून, आयपीएलसाठी अडीच महिन्यांची खिडकी असेल जेणेकरून सर्व सर्वोच्च आंतरराष्ट्रीय क्रिकेटपटू त्यात खेळू शकतील. याबाबत आम्ही इतर बोर्ड आणि आयसीसीशीही बोललो आहोत. पीसीबीचे मत आहे की या प्रकरणावर चर्चा होणे आवश्यक आहे.

पीसीबीच्या एका सूत्राने सांगितले की, आयसीसी बोर्डाची जुलैमध्ये बर्मिंगहॅम कॉमनवेल्थ गेम्सच्या पार्श्वभूमीवर बैठक होणार आहे. आयपीएलच्या या मुद्द्यावर चर्चा केली जाईल. पीसीबीच्या अधिकाऱ्याने सांगितले की, क्रिकेटमध्ये पैसा येत आहे हे चांगले आहे. आयपीएलसाठी दरवर्षी अव्वल क्रिकेटपटूंना पूर्णपणे बुक करण्याच्या बीसीसीआयच्या योजनेचा आंतरराष्ट्रीय द्विपक्षीय मालिकेवर विपरीत परिणाम होईल.

पाकिस्तानी खेळाडूंना 2008 पासून भारतात प्रवेश मिळत नाही. 2008 मध्ये मुंबईवर झालेल्या दहशतवादी हल्ल्यानंतर IPL मध्ये पाकिस्तानी खेळाडूंचा समावेश करण्यात आलेला नाही. सलमान बट, शाहिद आफ्रिदी, शोएब अख्तर, कामरान अकमल आणि सोहेल तन्वीर आयपीएलच्या पहिल्या हंगामात खेळले होते.