Asia Cup 2023 : आशिया कप 2023 च्या सुपर 4 मधील सामन्यात भारताने पाकिस्तानचा 228 धावांनी पराभव केला. या पराभवामुळे त्यांना फायनलमध्ये प्रवेश करण्यासाठी आता श्रीलंकेविरूद्धच्या आजच्या सामन्यात विजय मिळवणे गरजेचे झाले आहे.
भारत - पाकिस्तान सामन्यादरम्यान, पाकिस्तान संघातील हारिस रऊफ आणि नसीम शाह या दोन वेगवान गोलंदाजांना दुखापत झाली. त्यामुळे बाबरच्या नेतृत्वाखालील पाकिस्तानच्या संघात दोन बदल करावे लागले. पाकिस्तानने आपल्या संघात 22 वर्षाच्या झमान खान (Zaman Khan) या युवा गोलंदाजाचा समावेश केला आहे.
झमान खान हा पाक व्याप्त काश्मीरमध्ये जन्मला आहे. तो काश्मीरच्या मीरपूरमधील एका गरीब घरात जन्मलेल्या झमानने काश्मीर लीग, कॅनडा आणि श्रीलंका प्रीमियर लीगमध्ये टी 20 सामने खेळले आहेत.
झमानने एकही प्रथम श्रेणी सामना खेळलेला नाही. आता तो पाकिस्तानकडून थेट आंतरराष्ट्रीय वनडे सामना खेळणार आहे. झमानने यापूर्वी अफगाणिस्तान आणि न्यूझीलंड विरूद्ध टी 20 क्रिकेटमध्ये आंतरराष्ट्रीय पदार्पण यापूर्वीच केले आहे. पीसीबीने नसीम शाहच्या जागी त्याला वनडे संघात स्थान दिले आहे.
हारिस रऊफ देखील दुखापतीमुळे सामना खेळू शकणार नाहीये. 22 वर्षाचा झमान खान हा 2021 च्या काश्मीर लीगमध्ये चमकला होता. त्यानंतर त्याला पाकिस्तान सुपर लीगमध्ये त्याला लाहोर कलंदर्सकडून खेळण्याची संधी मिळाली.
द हंड्रेडमध्येही खेळला
झमान खान इंग्लिश काऊंटी टीम डर्बीशरकडून देखील खेळला आहे. झमानने इंग्लंडमध्ये नुकतेच द हंड्रेडमध्ये मँचेस्टर इन्विंसिबल्सकडून सहा सामने खेळले आहेत. त्यात त्याने 2 विकेट्स घेतल्या आहेत. झमान हा वेगवान गोलंदाज असून त्याने आतापर्यंत 6 टी 20 सामने खेळले असून त्याच्या नावर 4 विकेट्स आहेत. त्याने 68 टी 20 लीग सामने देखील खेळले आहेत. त्यात त्याने 86 विकेट्स घेतल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.