Cricket Viral Video : भारतात क्रिकेट न खेळलेला एकही माणूस सापडणार नाही. लहान मुलगा चालू लागला की त्याला पहिलं खेळणं हे क्रिकेटची बॅट आणि बॉलच असतं. त्यामुळे गल्लीत, टेरेसवर घराच्या अंगणात अन् घरातही क्रिकेट खेळलं जातं. यातूनच पुढे भारताचे दिग्गज क्रिकेटपटू तयार होतात. अशा या क्रिकेटमय भारतात सोशल मीडियावर क्रिकेट विषयक व्हिडिओ व्हायरल होणं ही काही नवी गोष्ट नाही.
मुंबई इंडियन्सने आपल्या ट्विटर अकाऊंटवरून एक व्हायरल व्हिडिओ शेअर केला आहे. या व्हिडिओत दुसरं तिसरं कोणी नाही तर खुद्द पोलीस कर्मचारीच क्रिकेट खेळण्याचा आनंद लुटताना दिसतोय. विशेष म्हणजे हा पोलीस कर्मचारी आपल्या वर्दीवरच नेटमध्ये वेगवान गोलंदाजी करत होता.
हा व्हिडिओ शेअर करून मुंबई इंडियन्सने त्याला एक भन्नाट कॅप्शन देखील दिले. पोलिसांची हेल्पलाईन 100 क्रमांकावर कॉल करत मुंबई इंडियन्स म्हणते, 'हॅलो 100 आम्ही अत्यंत वेगनान गोलंदाजीची तक्रार नोंदवत आहोत.'
या व्हिडिओतील पोलिस कर्मचाऱ्याने आपल्या कमरेची बंदूक काढून ठेवलेली आहे. त्यानंतर तो आपल्या वर्दीवरच नेटमधील एका फलंदाजाला गोलंदाजी करतोय त्याने फक्त तीनच चेंडू टाकले अन् त्या तीनही चेंडूवर नेटमधील फलंदाजाची दांडी गुल केली. त्याची बॉलिंग अॅक्शन पाहून तो नक्कीच चांगल्या दर्जाचं क्रिकेट खेळलेला असल्याचेचं जाणवतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.