Prithvi Shaw Reaction : भारतीय संघातून बराचकाळ दूर असलेल्या पृथ्वी शॉने इंग्लंडमध्ये काऊंटी क्रिकेट खेळण्याची निर्णय घेतला. अनेक क्रिकेटपूटंच्या कारकिर्दीला कलाटणी देणाऱ्या काऊंटी क्रिकेटच्या दुसऱ्याच सामन्यात पृथ्वी शॉने मोठा धमाका केला.

नॉर्थम्पटनशायरकडून खेळणाऱ्या पृथ्वी शॉने इंग्लिश टूर्नामेंट रॉयल लंडन वनडे कप 2023 मध्ये 153 चेंडूत 244 धावांची झंजावाती खेळी केली. या खेळीनंतर पृथ्वी शॉ आता टीम इंडियात परतणार अशी जोरदार चर्चा सुरू झाली आहे. (Prithvi Shaw County Cricket)

मात्र याबाबत खुद्द पृथ्वी शॉ काय विचार करतोय हे महत्वाचं आहे. त्याने द्विशतक ठोकल्यानंतर टीम इंडियातील पुनरागमनाबाबतच्या चर्चांवर प्रतिक्रिया दिली.

देशांतर्गत क्रिकेटमध्ये खोऱ्याने धावा करणाऱ्या पृथ्वी शॉने काऊंटीच्या वनडे सामन्यात द्विशतकी खेळी केल्यानंतर प्रतिक्रिया दिली की आता त्याला निवड समिती त्याच्याबद्दल काय विचार करते याची थोडी देखील चिंता नाही.

पृथ्वी म्हणाला की, मी एवढी मोठी खेळी करणार आहे याची जरा देखील कल्पना नव्हती. माझ्या डोक्यात फक्त 227 धावा होत्या. ती माझी सर्वोच्च खेळी होती. मात्र मी व्हाईटीशी बोललो आणि पुढे खेळत गेलो.

मी कायम संघासाठी आधी खेळतो

पृथ्वी शॉने सांगितले की मी कोणत्याही संघाकडून खेळताना आधी संघभावनेचा विचार करतो. मी संघासाठी खेळतो. संघासाठी सामना जिंकून द्यावा असा माझा प्रयत्न असतो. मी असा खेळाडू आहे जो संघाचा विचार आधी करतो. त्यामुळे मी माझ्या वैयक्तिक धावसंख्येकडे कधी लक्ष देत नाही. जर माझ्या संघाला मी ज्या प्रकारे खेळतोय त्याने विजय मिळत असेल तर मी तसा खेळ करणं सुरू ठेवलं पाहिजे.

(Sports Latest News)