Pro Kabaddi League Auction : प्रो कबड्डी लीगचे आयोजक मशाल स्पोर्ट्सने प्रो कबड्डी 2023 च्या हंगमासाठीच्या लिलावाची तारीख जाहीर केली आहे. हा लिलाव 8 आणि 9 सप्टेंबर रोजी मुंबईत होणार आहे. जगातील सर्वात्तम आणि सर्वात मोठी कबड्डी लीग यंदा आपला 10 वा हंगाम साजरा करणार आहे.
प्रो कबड्डी लीग लिलावात प्रत्येक फ्रेंचायजींची पर्स ही तीन लीगनंतर 4.4 कोटीवरून 5 कोटी रूपये वाढवून देण्यात आली होती. लिलावासाठी भारताच्या आणि परदेशी खेळाडूंची अ, ब, क, ड अशा चार श्रेणीत विभागणी केली आहे. खेळाडू हे अष्टपैलू, बचावपटू, रेडर अशी उपविभागणी देखील करण्यात आली आहे.
अ - 30 लाख
ब - 20 लाख
क - 13 लाख
ड - 9 लाख
प्रो कबड्डीच्या 10 व्या हंगामाच्या लिलावात जवळपास 500 पेक्षा जास्त खेळाडू सहभागी होणार आहेत. यात 24 खेळाडू हे खेलो इंडिया विद्यापीठ गेम्स 2023 मधील अंतिम फेरीतील दोन संघातील असतील.
मशाल स्पोर्ट्स आणि लीग कमिशनर अनुपम गोस्वामी यांनी सांगितले की, 'भारतातील कोणत्याही खेळाच्या लीगचा 10 वा हंगाम हा मोठा मैलाचा दगड असतो. प्रो कबड्डी लीगच्या 10 व्या हंगामाचा लिलाव देखील इतिहासात एक मैलाचा दगड म्हणून ओळखला जाईल. 10 व्या हंगामाच्या लिलावात रिटेंशन आणि नॉमिनेशनसह 12 फ्रेंचायजी जगातील सर्वोत्तम कबड्डीपटू त्यांच्या संघासाठी निवडतील.'
प्रो कबड्डी लीगच्या 10 व्या हंगामासाठीच्या लिलावापूर्वी संघ 9 व्या हंगामातील आपल्या खेळाडूंना रिटेन करू शकतात. फ्रेंचायजी जास्तीजास्त 6 खेळाडू रिटेन करू शकतात. जे रिटेन होणार नाहीत ते खेळाडू लिलाव प्रक्रियेत सहभागी होतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.