Quinton de Kock : भारतात होत असलेल्या वनडे वर्ल्डकपमध्ये दक्षिण आफ्रिकेच्या संघाने दमदार सुरूवात केली. आपल्या पहिल्याच सामन्यात श्रीलंकेविरूद्ध 428 धावा ठोकून त्यांनी धमाका केला होता. आता दुसऱ्या सामन्यात ऑस्ट्रेलियाविरूद्ध देखील दक्षिण आफ्रिकेच्या फलंदाजांनी गोलंदाजांची चांगलीच धुलाई केली.
दक्षिण आफ्रिकेचा सलामीवीर क्विंटन डिकॉकने तर दोन्ही सामन्यात शतकी धमाका केला. क्विंटन डिकॉकने वर्ल्डकपनंतर निवृत्त होत असल्याची घोषणा केली होती. त्यामुळे तो आपल्या शेवटच्या वर्ल्डकपमध्ये आफ्रिकेचा चोकर्सचा शिक्का पुसण्यासाठी कंबर कसली आहे.
क्विंटन डिकॉक यंदाच्या वनडे वर्ल्डकपमध्ये जबरदस्त फॉर्ममध्ये आहे. श्रीलंकेविरूद्ध त्याने 84 चेंडूत 100 धावा ठोकल्या. त्यानंतर वर्ल्डकपमधील आपला दुसरा सामन्यात ऑस्ट्रेलियाविरूद्ध त्याने 106 चेंडूत 109 धावांची दमदार खेळी केली. या खेळीच्या जोरावर दक्षिण आफ्रिका ऑस्ट्रेलियाविरूद्ध मोठी धावसंख्या उभारू शकला. क्विंटन डिकॉकने आपल्या या धडाकेबाज खेळीत 8 चौकार आणि 5 षटकार मारले.
विशेष म्हणजे क्विंटन डिकॉक हा 2015 आणि 2019 चा वर्ल्डकप देखील खेळला होता. मात्र त्यात त्याला एकही शतक झळकावता आले नाही. 2015 मध्ये त्याने 8 डावात फलंदाजी केली. तर 2019 मध्ये त्याने 9 डावात फलंदाजी केली होती. मात्र आता 2023 च्या वर्ल्डकपमध्ये त्याने पहिल्या दोन डावात दोन शतकी खेळी केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.