Quinton De Kock Video : क्रिकेट हा खेळ जितका साधा वाटतो तितकेच त्याचे नियमही गुंतागुंतीचे आहेत. डझनभर वेगवेगळ्या नियमांनी खेळल्या जाता हा गेम कधी कधी खेळाडूंनाही चकित करतो. असाच काहीसा प्रकार टी-20 विश्वचषकात पाहायला मिळत आहे. भारत-पाकिस्तान सामन्यातील शेवटच्या षटकात फ्री-हिटवर मिळालेल्या 'बाय'च्या नियमावरून झालेल्या गोंधळानंतर दक्षिण आफ्रिका-झिम्बाब्वे सामन्यात अशाच नियमानं सर्वांना आश्चर्याचा धक्का दिला.

होबार्टमध्ये सुपर-12 फेरीच्या सामन्यात दक्षिण आफ्रिका-झिम्बाब्वे हे दोन संघ भिडले. मात्र पावसामुळे सामना 20-20 षटकांवरून 9-9 षटकांचा करण्यात आला. या सामन्यात झिम्बाब्वेने प्रथम फलंदाजी करताना 9 षटकात 79 धावा केल्या. मात्र, यात त्याला फुकटात 5 धावा मिळाल्या. त्यासाठी दक्षिण आफ्रिकेचा यष्टीरक्षक क्विंटन डी कॉकची नकळत झालेली चूक कारण ठरली.

मिल्टन शुम्बाने शेवटच्या षटकात एनरिक नॉर्खियाच्या तिसऱ्या चेंडूवर रिव्हर्स स्कूप खेळला. चेंडू बॅटला लागून फाइन लेगला गेला. तिथे फिल्डरने चेंडू अडवून यष्टीरक्षक क्विंटन डी कॉककडे फेकला. तिथेच क्विंटन डी कॉकने आपल्या पायाने अडला, चेंडू थांबवण्यापूर्वी, डी कॉकने एक ग्लोव्ह्ज काढला आणि चेंडू पायावर आदळला. त्या मैदानावर पडलेल्या ग्लोव्ह्जवर जाऊन लागला.

नियम काय म्हणतो?

अंपायरने पेनल्टी रनचे संकेत देताच नोरखियाला धक्का बसला, पण नंतर त्याला कारण समजावून सांगण्यात आले. आता हा काय नियम आहे? नियम 28.2.1 नुसार, कोणत्याही खेळाडूने जाणूनबुजून चेंडू रोखणे बेकायदेशीर मानले जाईल.