न्यूझीलंडने वर्ल्डकप 2023 मधील आपल्या लीग स्टेजच्या शेवटच्या सामन्यात श्रीलंकेचा 5 विकेट्स राखून पराभव केला. या विजयाबरोबरच न्यूझीलंडने सेमी फानयलचे तिकीट जवळपास निश्चित केले आहे. न्यूझीलंडच्या भारतीय वंशाच्या रचिन रविंद्रने दोन विकेट्स आणि 42 धावा करत अष्टपैलू कामगिरी केली. या कामगिरीनंतर रचिन आणि त्याच्या आजीचा एक व्हिडिओ व्हायरल होत आहे.
रचिनने यंदाच्या वर्लडकपमध्ये तीन शतकी खेळी केल्या आहेत. हा त्याचा पदार्पणाचाच वर्ल्डकप असून तो यंदाच्या वर्ल्डकपमध्ये 565 धावा करत सर्वाधिक धावा करणाऱ्यांच्या यादीत अव्वल स्थानावर आहे.
आपल्या नातवाच्या या भरीव कामगिरीला दृष्ट लागू नये म्हणून रचिनच्या आजीने त्याची घरात आल्यावर दृष्ट काढली. सध्या सोशल मीडियावर हाच व्हिडिओ व्हायरल होत आहे. तुम्ही जगाच्या पाठीवर कुठंही गेला तरी आजीची माया न्यारीच असते.
प्रथम फंलादाजी करणाऱ्या श्रीलंकेला किवींनी 171 धावात गुंडाळले. रचिन रविंद्रने 7.4 षटकात 21 धावा देत दोन विकेट्स घेतल्या. बोल्टने 3 विकेट्स घेत लंकेच्या फलंदाजीला खिंडार पाडलं. न्यूझीलंडने श्रीलंकेचे 172 धावांचे माफक आव्हान 5 फलंदाजांच्या मोबदल्यात 23.2 षटकातच पार केले. न्यूझीलंडकडून सलामीवीर रचिन रविंद्रने 34 चेंडूत 42 धावा करून संघाच्या विजयात मोलाचे योगदान दिले.
रचिन रविंद्र सध्या 565 धावा करत यंदाच्या वर्ल्डकपमध्ये सर्वाधिक धावा करणाऱ्यांच्या यादीत अव्वल स्थानावर आहे. त्याच्या खालोखाल दक्षिण अफ्रिकेचा क्विंटन डिकॉक 550 धावा करून दुसऱ्या तर विराट कोहली 543 धावा करत तिसऱ्या स्थानावर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.