छत्रपती संभाजीनगर : खेलो इंडिया राष्ट्रीय महिला लीग तायक्वांदो स्पर्धेत राधिका शर्मा हिने रौप्य पदकाची कमाई केली. ओरिसा कटक येथील जे एन इंडोर स्टेडिअम येथे ९ ते ११ मार्च दरम्यान झालेल्या खेलो इंडिया तायक्वांदो स्पर्धेत केरला, पश्चिम बंगाल, दिल्ली तसेच अरुणाचल प्रदेश या खेळाडूंना पराभूत करत स्पर्धेत रौप्य पदक पटकावले.

यापूर्वी राधिकाने २७ फेब्रुवारी ते एक मार्च दरम्यान पॉंडिचेरी येथे झालेल्या खेलो इंडिया महिला लीग राष्ट्रीय पूर्व तायक्वांदो स्पर्धेच्या तिसऱ्या फेजमध्ये राधिका शर्मा, श्रेया पराडकर यांनी आपापल्या वजन गटात रौप्यपदके पटकावीत अंतिम फेजमध्ये आपले स्थान पक्के केले होते.

या स्पर्धेत श्रेया पराडकर हिने उत्कृष्ट केळी केली परंतु मणिपूर सोबतच्या अतीतटीच्या सामन्यात तीला हार पत्करावी लागली. संघासोबत संघ प्रशिक्षक म्हणून अंतरा हिरे यांनी खेळाडूंना मार्गदर्शन केले. जिल्ह्यातील एक्सलंट तायक्वादो ॲकॅडमीत प्रशिक्षण घेणाऱ्या या खेळाडूंना राष्ट्रीय पदकविजेते लता कलवार यांचे मार्गदर्शन लाभत आहे.