IND vs ENG 2nd Test Rajat Patidar : भारत आणि इंग्लंड यांच्यातील पाच कसोटी सामन्यांच्या मालिकेतील दुसरा सामना विशाखापट्टणम येथे खेळला जात आहे. कर्णधार रोहित शर्माने भारताच्या प्लेइंग 11 मध्ये तीन महत्त्वाचे बदल केले होते.
विराट कोहलीच्या जागी टीम इंडियाच्या कसोटी संघात सामील झालेला रजत पाटीदारला पदार्पणाची संधी मिळाली. पण पदार्पणाच्या सामन्यात रजत पाटीदार दुर्दैवी पद्धतीने आऊट झाला. या डावात फलंदाजाने 72 चेंडूत 3 चौकारांसह 32 धावा केल्या.
श्रेयस अय्यर आऊट झाल्यानंतर पाटीदार पाचव्या क्रमांकावर फलंदाजीसाठी आला होता. दरम्यान, त्याने अतिशय संयमी खेळी सुरू केली आणि तो क्रीजवरही सेट झाला होता. डावाच्या 72 व्या षटकात रेहान अहमद गोलंदाजीसाठी आला. इंग्लिश फिरकीच्या लेन्थ डिलीव्हरीचा बचाव करण्यासाठी पाटीदारने पुढचा पाय बाहेर काढून शॉट खेळण्याचा प्रयत्न केला. त्याने अचूक बचाव केला, पण चेंडू बॅटला लागून स्टंपमध्ये घुसला. पाटीदारने पायाने अडवण्याचा प्रयत्न केला पण त्याला उशीर झाला. पाटीदारने 32 धावांची खेळी खेळली आणि या खेळीत तीन चौकार मारले. रजतने यशस्वीसोबत चौथ्या विकेटसाठी 70 धावांची भागीदारी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.