Rajat Patidar Debut Ind vs Eng Test : भारत विरुद्ध इंग्लंड पाच सामन्यांच्या कसोटी मालिकेतील दुसरा सामना आजपासून म्हणजेच 2 फेब्रुवारीपासून विशाखापट्टणम येथे खेळला जात आहे. इंग्लंड हैदराबाद कसोटी जिंकून मालिकेत 1-0 ने आघाडीवर आहे. तर रोहित शर्मा आणि ब्रिगेडला मालिकेत पुनरागमन करायचे आहे. केएल राहुल आणि रवींद्र जडेजा दुखापतीमुळे या सामन्यातून बाहेर आहेत.

या सामन्यात भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आहे. या सामन्यासाठी भारताने प्लेइंग इलेव्हनमध्ये 3 बदल केले आहेत. या सामन्यातून रजत पाटीदार कसोटी पदार्पण करत आहे.

इंग्लंडविरुद्धच्या दुसऱ्या कसोटी सामन्यासाठी भारतीय संघात तीन बदल करण्यात आले आहेत. केएल राहुल दुखापतीमुळे सामन्यातून बाहेर पडला असून त्याच्या जागी रजत पाटीदारला संधी देण्यात आली आहे. रवींद्र जडेजाच्या जागी कुलदीप यादवचा प्लेईंग इलेव्हनमध्ये समावेश करण्यात आला आहे. वेगवान गोलंदाज मोहम्मद सिराजला विश्रांती देण्यात आली असून त्याच्या जागी मुकेश कुमार या सामन्यात खेळणार आहे.

भारताची प्लेइंग इलेव्हन - रोहित शर्मा (कर्णधार), यशस्वी जैस्वाल, शुभमन गिल, श्रेयस अय्यर, रजत पाटीदार, केएस भरत (यष्टीरक्षक), रविचंद्रन अश्विन, अक्षर पटेल, कुलदीप यादव, मुकेश आणि जसप्रीत बुमराह.