Ram Temple Pran Pratishtha : अयोध्येत 22 जानेवारीला होणाऱ्या राम मंदिरातील श्री रामलल्लांच्या प्राण प्रतिष्ठा सोहळ्याचं निमंत्रण भारतातील अनेक सेलिब्रेटी आणि खेळाडूंना देण्यात आलं आहे. आज भारतीय महिला क्रिकेट संघाची कर्णधार हरमनप्रीत कौरला देखील या सोहळ्याचं निमंत्रण मिळालं आहे.

यापूर्वी महेंद्रसिंह धोनी, विराट कोहली, सचिन तेंडुलकर, रविचंद्रन अश्विन, मिथाली राज यांना देखील अयोध्येतील रामलल्लांच्या प्राण प्रतिष्ठा सोहळ्याचं निमंत्रण मिळालं आहे. त्यात आता हरमनप्रीत कौरची देखील भर पडली आहे. क्रिकेटपटूंसोबतच अक्षय कुमार, कंगना रनौत, टायगर श्रॉफ, जॅकी श्रॉफ, हरीहरण, रजनीकांत, अमिताभ बच्चन, रणबीर कपूर, आलिया भट आणि रणदीप हुड्डा यांना देखील आमंत्रण देण्यात आलं आहे.

रामलल्लांच्या प्राण प्रतिष्ठा सोहळा हा एक आठवड्यापूर्वीच सुरू झाला आहे. श्री राम जन्मभूमी तीर्थ क्षेत्र ट्रस्टचे सचिव चंपत राय यांनी सांगितले की राम मंदिर हे 23 जावेवारीपासून सर्वसामान्य भाविकांसाठी खुलं करण्यात येणार आहे.

ते म्हणाले की, 'अयोध्येतील रामलल्लांचा प्राण प्रतिष्ठा सोहळा हा दुपारी 1 वाजेपर्यंत संपण्याची शक्यता आहे. यावेळी पंतप्रधान नरेंद्र मोदी आणि इतर प्रतिष्ठित लोकं उपस्थित असणार आहे. मोदी सोहळ्यानंतर भाषण देखील करणार आहेत. परंपरेनुसार नेपाळमधील जनकपूर आणि मिथिलामधून भेटवस्तूंच्या 1000 बास्केट येणार आहेत. 20 जानेवारी आणि 21 जानेवारीला सर्वासामन्यांसाठी अयोध्येतील राम मंदिर दर्शनासाठी बंद राहणार आहे.

(Sports Latest News)