मुंबई : बीसीसीआयने (BCCI) दक्षिण आफ्रिका (South Africa) दौऱ्यापासून एकदिवसीय संघाचे कर्णधारपद रोहित शर्मा (Rohit Sharma) सांभाळेल अशी घोषणा केली. त्यानंतर रोहित शर्माचे नेतृत्व आणि विराट कोहलीची (Virat Kohli) नेतृत्व करण्याची शैली याबाबत चर्चा सुरु झाली. आता भारताचाचे (Team India) माजी प्रशिक्षक रवी शास्त्री (Ravi Shastri) यांनीही नव्या एकदिवसीय कर्णधाराबाबत (Captaincy) आपले मत मांडले आहे. रवी शास्त्री आणि रोहित शर्मांनी गेल्या काही वर्षापासून एकत्र काम केले होते. (Ravi Shastri Statement About Rohit Sharma Captaincy)

रवी शास्त्री (Ravi Shastri) म्हणाले की 'रोहित कायम संघासाठी जे योग्य आहे तेच करतो. फुटबॉलमध्ये जसे संघातील सर्व रिसोर्सेस वापले जातात तसेच रोहित शर्मा (Rohit Sharma) करतो.' त्यांनी ही प्रतिक्रिया द वीकला दिली होती. ही प्रतिक्रिया त्यांनी बीसीसीआयने रोहित शर्माकडे एकदिवसीय संघाची धुरा सोपवण्याआधी दिली होती.

रोहित शर्मा (Rohit Sharma) हा आयपीएल (IPL) इतिहासातील सध्याच्या घडीला सर्वात यशस्वी कर्णधार आहे. त्याने आंतरराष्ट्रीय स्तरावरही काही सामन्यात भारताचे यशस्वी नेतृत्व केले आहे. त्याने आतापर्यंत ३२ मर्यादीत षटकांच्या सामन्यात भारताचे नेतृत्व केले आहे. त्यातील २६ सामन्यात भारताने विजय मिळवला आहे. रोहितच्या नेतृत्वात भारताने निधास ट्रॉफी आणि आशिया कप २०१८ या दोन मोठ्या स्पर्धाही जिंकल्या आहेत.

रोहितकडे आता एकदिवसीय आणि टी २० संघाचे पूर्णवेळ कर्णधारपद सोपवण्यात आले आहे. याचबरोबर कसोटीतही त्याला उपकर्णधारपदी बढती मिळाली आहे. रोहितला येत्या वर्षात ऑस्ट्रेलियात होणाऱ्या टी २० वर्ल्डकपसाठी आणि पुढच्या वर्षी २०२३ मध्ये भारतात होणाऱ्या एकदिवसीय वर्ल्डकपसाठी वेळ मिळावा असे भारतीय निवडसमितीला वाटते. याचबरोबर रोहित शर्माला (Rohit Sharma) भारताचे नवे प्रशिक्षक राहुल द्रविड यांच्याबरोबर देखील जुळवून घेण्यास वेळ दिला गेला पाहिजे.

याचबरोबर विराट कोहली (Virat Kohli) मर्यादित षटकांच्या क्रिकेटमध्ये आपल्या लौकीकास साजेसा खेळ करण्यास पुन्हा कधी सुरुवात करतो हे पहावे लागेल. कारण त्याच्या कामगिरीवरच भारताचे मर्यादित षटकांच्या क्रिकेटमधले यश अवलंबून असेल.

रवी शास्त्री (Ravi Shastri) यांना ज्यावेळी विराट कोहलीच्या नेतृत्वाबाबत विचारण्यात आले त्यावेळी शास्त्री यांनी विराट कोहली रणनितीच्या बाबतीत उत्तम कर्णधार आहे असे सांगितले. ते म्हणाले 'शेवटी रणनितीच्या बाबतीत विराट कोहली उत्तम कर्णधार आहे. लोक तुम्हाची शेवटी निकालावरुन तुलना करतात. तुम्ही धावा कशा केल्या याच्यापेक्षा तुम्ही धावा किती केल्या हे पाहिले जाते. त्याने चांगली प्रगती केली आहे. तो एक परिपक्व खेळाडू आहे. भारताचा कर्णधार होणे सोपी गोष्ट नाही. त्याने जे काही कमावले आहे त्यावर त्याला गर्व असला पाहिजे.'