Rishabh Pant IPL 2024 : आयपीएल 2024 सुरू होण्यास सुमारे 4-5 महिने बाकी आहेत. याआधी सर्व फ्रँचायझी आपापले संघ तयार करण्यात व्यस्त आहेत. खेळाडूंना बाहेर काढण्याची आणि कायम ठेवण्याची प्रक्रिया सुरू झाली आहे. दरम्यान भारतीय क्रिकेट संघाचा स्टार खेळाडू ऋषभ पंतने शनिवारी त्याच्या इंस्टाग्राम स्टोरीवर एक मेसेज पोस्ट केला.

पंतने लिहिले की, यापुढे कोणतीही जबरदस्ती मैत्री किंवा संबंध असणार नाही. कारण एकतर ती प्रगती करत राहते किंवा संपते. पंतने मेसेजमध्ये कोणाचाही उल्लेख केला नाही आणि चाहत्यांना अंदाज लावायला भाग पाडले आहे. पंत सध्या क्रिकेटपासून दूर आहे. डिसेंबर 2022 मध्ये झालेल्या कार अपघातातून तो सावरत आहे.

माजी भारतीय कर्णधार आणि सध्या दिल्ली कॅपिटल्स (डीसी) क्रिकेट संचालक सौरव गांगुली यांनी नोव्हेंबरच्या सुरुवातीला पंतच्या प्रकृतीबद्दल अपडेट दिले होते. पंत आयपीएल 2024 मध्ये खेळताना दिसेल, असे आश्वासन गांगुलीने दिले होते.

दिल्ली कॅपिटल्सच्या काही खेळाडूंनी आयपीएल 2024 साठी त्यांचे प्रशिक्षण सुरू केले आहे, परंतु पंत संघासोबत सराव करत नाहीये. गांगुली 10 नोव्हेंबरला म्हणाला- पंत आता ठीक आहे. तो आयपीएलच्या पुढील मोसमात खेळणार आहे. मात्र, पंत कोलकात्यात सराव करत नाहीये. सरावासाठी उतरण्यासाठी त्याला अजून वेळ आहे. तो जानेवारी (2024) पर्यंत बरा होईल.

गांगुली पुढे म्हणाला की, 'आम्ही संघाबद्दल बोलत होतो. तो कर्णधार आहे, त्यामुळे आगामी लिलावाबाबत त्याने आपले मत व्यक्त केले आहे. त्यामुळेच संघाशी संबंधित काही बाबींना अंतिम रूप देण्यासाठी तो येथे (कोलकाता) आला आहे.

दिल्ली कॅपिटल्सचा कर्णधार पंत यांच्या कारला गेल्या वर्षी डिसेंबरमध्ये अपघात झाला होता, पंत 2023 च्या क्रिकेट वर्ल्ड कप स्पर्धेसाठी भारतीय क्रिकेट संघाचा भागही नव्हता. कारण तो मेगा इव्हेंटसाठी वेळेत बरा होऊ शकला नाही. चाहते पंतच्या पुनरागमनाची आतुरतेने वाट पाहत आहेत.