Rohit Sharma T20 Record : भारताचा कर्णधार रोहित शर्माने अफगाणिस्तानविरूद्धच्या दुसऱ्या टी 20 सामन्यात एक मोठा माईलस्टोन पार केला. रोहित शर्मा आज आपला 150 वा आंतरराष्ट्रीय टी 20 सामना खेळत आहे. विशेष म्हणजे आंतरराष्ट्रीय टी 20 इतिहासात 150 सामने खेळणारा रोहित शर्मा हा पहिलाच पुरूष खेळाडू ठरला आहे.
आंतरराष्ट्रीय टी 20 क्रिकेटमध्ये सर्वाधिक सामने खेळणाऱ्यांच्या यादीत आयर्लंडचा पॉल स्टर्लिंग 134 टी-20 सामन्यासह दुसऱ्या स्थानावर आहे. त्यानंतर आयर्लंडचाच जॉर्ज डॉकरेल (128 सामने) आणि पाकिस्तानचा शोएब मलिक (124 सामने) यांचा नंबर लागतो.
रोहित शर्माने आंतरराष्ट्रीय क्रिकेटच्या सर्वात लहान फॉरमॅटमध्ये 14 महिन्यांच्या अंतरानंतर पुनरागमन केलं. अफगाणिस्तानविरूद्धच्या मोहाली येथे झालेल्या पहिल्या टी 20 सामन्यात तो खेळला होता. 2022 च्या टी 20 वर्ल्डकपनंतरचा तो रोहितचा पहिलाच सामना होता. विशेष म्हणजे रोहित टी 20 संघात नुसता परतला नसून तो कर्णधार देखील आहे.
रोहितच्या नावावर T20 आंतरराष्ट्रीय क्रिकेटमध्ये सर्वाधिक षटकार मारण्याचा विक्रमही आहे. त्याने 182 षटकार ठोकले आहेत. शिवाय, तो 3853 धावा करून फॉरमॅटमध्ये सर्वाधिक धावा करणाऱ्या खेळाडूंच्या यादीत दुसऱ्या क्रमांकावर आहे. या यादीत रोहितच्या पुढे कोहली हा एकमेव खेळाडू आहे.
दुसऱ्या सामन्यात भारतीय संघाने अफगाणिस्तानला 172 धावात ऑल आऊट केले. भारताकडून अर्शदीप सिंगने 3 विकेट्स घेतल्या तर अक्षर पटेल आणि रवी बिश्नोईने प्रत्येकी 2 विकेट्स घेतल्या. त्यांना शिवम दुबेने एक विकेट घेत चांगली साथ दिली. अफगाणिस्तानकडून गुलबदिन नईबने सर्वाधिक 57 धावा केल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.