Rohit Sharma wife Ritika Sajdeh Emotional Post : भारतीय कर्णधार रोहित शर्माचे बांगलादेशविरुद्धच्या कसोटी मालिकेत खेळणे साशंक आहे. बुधवारी दुसऱ्या एकदिवसीय सामन्यादरम्यान त्याच्या डाव्या हाताच्या अंगठ्याला दुखापत झाली. त्याने क्षेत्ररक्षण केले नाही आणि केएल राहुलने पदभार स्वीकारला.

संघ अडचणीत असल्याचे पाहून रोहित दुखापतग्रस्त असूनही 9व्या क्रमांकावर फलंदाजी करण्याचा निर्णय घेतला. त्याने 28 धावांवर 51 धावांची लढाऊ खेळी खेळली पण तो संघाला विजय मिळवून देऊ शकला नाही. भारताने हा सामना 5 धावांनी गमावला आणि मालिकाही गमावली. रोहितच्या या खेळीनंतर त्याची पत्नी रितिका सजदेहने तिच्या इन्स्टास्ट्रीवर एक भावनिक पोस्ट लिहिली.

यादरम्यान रितिकाने तिच्या पतीबद्दल एक भावनिक पोस्ट केली होती. दुखापतीनंतरही रोहितच्या फलंदाजीचा स्क्रीनशॉट तिने इंस्टाग्रामवर पोस्ट केला आणि लिहिले, 'माझे तुझ्यावर प्रेम आहे. तू जे केलेस त्याचा मला अभिमान आहे. असे बाहेर पडणे आणि ते करणे...'

कर्णधार रोहित शर्मा फलंदाजीला आला तेव्हा भारताच्या 43 षटकांनंतर 7 बाद 207 धावा होत्या. शेवटच्या 7 षटकात टीम इंडियाला विजयासाठी 65 धावांची गरज होती. रोहित शर्माने सुरुवातीला सावध खेळ केला, पण एकदा आक्रमक फॉर्म घेतल्यानंतर त्याची बॅट पुन्हा थांबली नाही. रोहित शर्माने 51 धावांच्या या खेळीत 28 चेंडूंचा सामना करताना 3 चौकार आणि 5 आकाशी षटकार ठोकले. यादरम्यान त्याचा स्ट्राइक रेट 182 पेक्षा जास्त होता.

या सामन्यात प्रथम फलंदाजी करताना बांगलादेशने भारतासमोर विजयासाठी 272 धावांचे लक्ष्य ठेवले होते, या धावसंख्येसमोर टीम इंडिया निर्धारित 50 षटकात 266 धावाच करू शकली.