KL Rahul Asia Cup 2023 : बीसीसीआयने नुकतेच आशिया कपसाठी भारतीय संघाची घोषणा केली. दुखापतीतून सावरत असलेल्या केएल राहुल, श्रेयस अय्यर या दोघांचा संघात समावेश करण्यात आला आहे. आशिया कप हा वर्ल्डकपची रंगीत तालीम असणार आहे. याच स्पर्धेत भारतीय संघात दुखापतीनंतर परतणाऱ्या केएल राहुल आणि श्रेयस अय्यर यांच्या मॅच फिटनेसची टेस्ट होणार आहे.
दरम्यान, भारताचा माजी खेळाडू आणि फलंदाजी प्रशिक्षक संजय बांगर याने केएल राहुल बाबत एक मोठे वक्तव्य केलं. त्याने केएल राहुल हा भारतीय संघात आहे कारण तो विकेटकिपर फलंदाज म्हणून खेळतोय. नाही तर त्याला संघात स्थान मिळालं नसतं असं वक्तव्य केलं. तसेच त्याने भारताची यंदाच्या वर्ल्डकपसाठीची रणनिती देखील स्पष्ट केली.
स्टार स्पोर्ट्सशी बोलताना संजय बांगर म्हणाला की, 'मला वाटतं की संघातील समतोल हा विकेटकिपर बॅट्समनमुळे निर्माण होत आहे. कारण आपल्या संघातील पहिले पाच खेळाडू हे गोलंदाजी करू शकत नाहीत. त्यामुळे तुम्हाला 6 बॉलिंग पर्याय हवे असतील कर तुम्हाला तुमच्या पहिल्या 5 फलंदाजापैकी एकाने गोलंदाजी करणे गरजेचे आहे किंवा त्यातील एक विकेटकिपर असणे गरजेचे आहे.'
'त्यामुळे मला वाटतं की केएल राहुल हा विकेटकिपिंग बॅट्समनची भुमिका निभावेल. माझ्या मते त्यालाच प्लेईंग 11 मध्ये जागा मिळेल. कारण अशा प्रकारेच भारतीय संघात चांगला समतोल साधला जाऊ शकतो.'
केएल राहुलच्या फिटनेसबाबत अनेक शंका व्यक्त केल्या जात आहेत. आशिया कपमध्ये भारताचा पहिलाच सामना हा पाकिस्तानविरूद्ध 2 सप्टेंबरला होणार आहे. अजित आगरकरने केएल राहुलला छोटी दुखापत झाल्याचे सांगितले.
दरम्यान, बांगर केएल राहुलच्या संघातील स्थानाबाबत म्हणाला की, 'जर केएल राहुल फलंदाज म्हणून फिट झाला नाही तर इशान किशन हा विकेटकिपर म्हणून चांगला पर्याय आहे. वनडे क्रिकेटमध्ये भारतीय संघ कोठेही खेळत असो ते फिट खेळाडू आणि अव्वल दर्जाचा विकेटकिपरच खेळवणार या शंका नाही.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.