Sanju Samson sent home from team India Asia Cup squad : टीम इंडिया आशिया कप 2023 मधील सुपर-4 मोहिमेची सुरुवात उद्या म्हणजेच 10 सप्टेंबरला कट्टर प्रतिस्पर्धी पाकिस्तानविरुद्ध करणार आहे. या सामन्यापूर्वी भारतीय खेळाडू संबंधित एक मोठी बातमी समोर येत आहे.

संघाचा यष्टिरक्षक फलंदाज संजू सॅमसन संघ सोडून भारतात परतला आहे. संजू सॅमसनला प्रवासी राखीव म्हणून आशिया कप संघात स्थान मिळाले. खरंतर केएल राहुलच्या फिटनेसबाबत संघ व्यवस्थापनाला शंका होती. अशा परिस्थितीत त्याने आपला बॅकअप म्हणून संजू सॅमसनला श्रीलंकेला पाठवले.

आता केएल राहुल तंदुरुस्त होऊन संघात आल्याने संघ व्यवस्थापनाने संजू सॅमसनला भारतात परत पाठवण्याचा निर्णय घेतला आहे. भारत विरुद्ध पाकिस्तान सामन्यापूर्वी सॅमसन भारतात परतला आहे.

बीसीसीआयच्या सूत्राने एएनआयच्या हवाल्याने सांगितले की, केएल राहुल संघात सामील झाल्यानंतर संजू सॅमसनला भारतात परत पाठवण्यात आले आहे. सॅमसन स्टँडबाय खेळाडू म्हणून संघासोबत असल्याने त्याला संघातून वगळण्यात आले आहे.

कट्टर प्रतिस्पर्धी पाकिस्तानसोबत आशिया कप 2023 सुपर फोर सामन्यापूर्वी भारतीय क्रिकेट संघाने 8 सप्टेंबर रोजी सराव सत्रात भाग घेतला. केएल राहुलने पाकिस्तानच्या घातक गोलंदाजीचा सामना करण्यासाठी स्वत:ला तयार करण्यासाठी डाव्या हाताच्या वेगवान गोलंदाजांविरुद्ध सराव केला.

भारताचा आशिया कप 2023 संघ :

रोहित शर्मा (कर्णधार), विराट कोहली, श्रेयस अय्यर, केएल राहुल, शुभमन गिल, सूर्यकुमार यादव, टिळक वर्मा, इशान किशन, हार्दिक पंड्या (उपकर्णधार), रवींद्र जडेजा, अक्षर पटेल, शार्दुल ठाकूर, जसप्रीत बुमराह, मोहम्मद शमी, मोहम्मद सिराज, कुलदीप यादव आणि प्रसीध कृष्णा.