सातारा : जिल्हा कुस्तीगीर संघाने (Satara Kustigir Sangh) दिल्लीतील महिला कुस्तीपटूंच्या (Women Wrestlers) आंदोलनाला पाठिंबा जाहीर केला आहे. कुस्ती महासंघाने (Wrestling Federation) येथील काँग्रेस भवनात पत्रकार परिषदेत आपली भूमिका मांडली.

यावेळी उपमहाराष्ट्र केसरी बलभीम भोसले, आंतरराष्ट्रीय कोच दिलीप पवार, महाराष्ट्र केसरी गोरख सरक, बाळू पडघम, बबन घाटे, मोहन झांजुर्णे, काशिनाथ झांजुर्णे, मोहन निकम, राजाराम झांजुर्णे, दादासाहेब शिर्के, मधुकर शिंदे, जगन्नाथ कुंभार, नारायण जाधव इत्यादी यावेळी उपस्थित होते.

बलभीम भोसले व दिलीप पवार म्हणाले, भारताची शान असणारे ऑलिंपिक राष्ट्रकुल आशियाई पदक विजेत्या महिला कुस्तीपटू साक्षी मलिक (Sakshi Malik), विनेश फोगाट (Vinesh Phogat), संगीता मलिक, बजरंग पुनिया यांनी लैंगिक शोषणाच्या विरोधात आंदोलन केले.

भारतीय कुस्ती महासंघाचे अध्यक्ष भाजपचे खासदार ब्रिजभूषण सिंह यांच्याविरोधात जंतर-मंतर येथे बरेच दिवस आंदोलन सुरू आहे. याप्रकरणी महिला कुस्तीपटूंना अटक करण्यात आली आहे. वास्तविक शांततेच्या मार्गाने चाललेल्या या आंदोलनाला सरकार प्रशासनाने दाद दिली नाही.