Poonawalla Fincorp presents schoolympics 2023 season 6 : स्कूलिंपिकच्या हॉकी स्पर्धेत १६ वर्षांखालील मुलींच्या गटात सेंट जोसेफ, पाषाण संघाने सेंट हेलेना, कॅम्प संघावर ११-० असा दमदार विजय मिळविला. नेहरूनगर येथील मेजर ध्यानचंद हॉकी स्टेडियमवर स्पर्धेची साखळी फेरी सुरू आहे. त्यामध्ये सेंट जोसेफच्या तराशा सुखिजा हिने तब्बल सात गोल नोंदविले. तिला अन्वी रावत हिने चार गोलांसह सुरेख साथ दिली. प्रतिस्पर्धी संघाला एकदाही जाळीचा वेध घेता आला नाही.
याच वयोगटात सेंट ॲन्स हायस्कूल, कॅम्प संघाने एसएनबीपी इंटरनॅशनल, चिखली संघाचा ४-० असा पराभव केला. सेंट जोसेफ, खडकी आणि न्यू मिलेनियम, नवी सांगवी यांच्यातील सामना गोलशून्य बरोबरीत सुटला.
मुलांच्या गटात न्यू मिलेनियम, नवी सांगवी संघाने ज्योती हायस्कूल, पिंपरीवर ३-२ अशी मात केली. प्रसाद जगदाळे, श्रेयश भरत, वेदांत गंगाराई यांनी प्रत्येकी एक गोल नोंदविला. न्यू मिलेनियमच्या संघातून अंकित भंडारी आणि प्रिंस पटिया यांनी गोल केले. २-२ बरोबरीनंतर वेदांतने केलेला गोल निर्णायक ठरला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.