Serena Williams Returning On Tennis Court : जगविख्यात महिला टेनिसपटू सेरेना विलियम्सने काही महिन्यापूर्वीच झालेल्या युएस ओपन टेनिस स्पर्धेनंतर टेनिस कोर्टपासून दूर जात असल्याचे सांगितले होते. मात्र सेरेना विलियम्सने सोमवारी ती अजून निवृत्त झाली नसल्याचे सांगितले. सेरेनाने मी पुन्हा कोर्टवर परतण्याची दाट शक्यता आहे. सेरेनाच्या नावावर 23 ग्रँडस्लॅम विजेतेपदं आहेत. या पृथ्वीतलावरील 23 ग्रँडस्लॅम जिंकणारी (ओपन एरा) ती एकमेव टेनिस स्टार आहे. सेरेना विलियम्सने सॅन फ्रान्सिस्कोमध्ये तिच्या गंतवणूक कंपनीची जाहीरात करताना मी निवृत्त झालेली नाही असे सांगितले.

वयाची 40 शी पार करत आलेल्या विलियम्सने 9 ऑगस्टला व्यावसायिक टेनिसमधून निवृत्ती जाहीर केली होती. यावेळी तिने खेळाव्यतिरिक्त ती इतर बाबतही समृद्ध होण्याचा प्रयत्न करत असल्याचे सांगितले होते. सेरेना विलियम्स आपले कुटुंब वाढवण्याचा प्रयत्न करणार आहे.

सेरेना विलियम्सने व्होग्स नियतकालिकेतील आपल्या लेखात म्हणाली होती की, 'मला निवृत्ती हा शब्द आवडत नाही. मला असे वाटते की हा संक्रमणाचा काळ आहे. त्यामुळे मी तो शब्द वापरण्याबाबत खूप संवेदनशील आहे. याचा काहीतरी विशिष्ट अर्थ आहे आणि ही गोष्ट लोकांच्या समुहासाठी खूप महत्वाची आहे.'

सेरेना विलियम्सने आतापर्यंत 23 एकेरी ग्रँड स्लॅम विजेतेपदं जिंकली आहेत. ओपन एरामध्ये अशी कामगिरी करणारी ती एकमेव टेनिसपटू आहे. सर्वकालीन यादीत मार्गारेट कोर्ट्स (24) पेक्षा फक्त एक ग्रँडस्लॅम मागे आहे.