कराची: बाबर आझमच्या नेतृत्वाखाली पाकिस्तानच्या संघाने भारताला पराभूत केले. पाकिस्तानसाठी हा एक ऐतिहासिक विजय होता. या विजयानंतर पाकिस्तानच्या एका वाहिनीवर पाकिस्तानच्या कामगिरीबद्दल चर्चा करण्यासाठी एक शो घेण्यात आला. त्या चर्चेसाठी पाकचा माजी गोलंदाज शोएब अख्तर, विंडिजचे सर व्हिव्हियन रिचर्ड्स, डेव्हिड गोव्हर यासारखे महान क्रिकेटपटू होते. या शो दरम्यान कार्यक्रमाचे सूत्रसंचालन करणारे अँकर डॉ. नौमान नियाझ यांनी शोएब अख्तरचा अपमान करत त्याला थेट शो मधून निघून जाण्यास सांगितल्याची घटना घडली.
शो सुरू असताना शाहीन आफ्रिदी आणि हॅरीस सोहेल या दोघांच्या क्रिकेटमधील उदयाची चर्चा सुरू होती. ते सुरू असताना शोएब अख्तर याने हे लोक पाकिस्तान क्रिकेट लीग मधील लाहोर कलंदर्स संघामुळे पाक क्रिकेटला मिळाल्याचे सांगितलं. त्यावरून नौमान नियाझ आणि शोएब अख्तर या दोघांमध्ये थोडीशी बाचाबाची होण्यास सुरूवात झाली होती. त्यावेळी कार्यक्रमाचे अँकर नौमान यांनी थेट शोएबला शो मधून उठून निघून जाण्यास सांगितलं.
पाहा नक्की कसा घडला वाद? (Video)
शोएब कार्यक्रमाच्या मध्येच उठून निघून गेला...
या प्रकारानंतर शोएब अख्तर शो सोडून निघून गेला. पण त्याने आपली बाजू ट्वीटरवर मांडली. सध्या माझ्याबद्दलच्या काही व्हिडीओ क्लिप्स व्हायरल झाल्या आहेत. त्यामुळे मला त्याबद्दल स्पष्टीकरण द्यावंसं वाटलं. डॉ. नौमान यांनी माझं बोलणं मध्येच थांबवलं आणि अतिशय उद्धटपणे मला शो मधून बाहेर व्हायला सांगितलं. व्हिव रिचर्ड्स आणि डेव्हिड गोव्हर अशा महान क्रिकेटपटूंसमोर अशा पद्धतीने मला मिळालेली वागणूक अपमानास्पद होती. इतक्या मोठ्या लोकांसमोर कोणालाही ओशाळल्यासारखं होऊ नये यासाठी मी तेथील माहोल थोडासा हलका करण्याचा प्रयत्न केला. मला वाटलं मी तसं केल्यास ते माझी माफी मागतील आणि शो पुढे घेऊन जातील. पण त्यांनी माफी मागितलीच नाही. त्यामुळे नाईलजाने मला शो मधून निघून जावं लागलं, असं स्पष्टीकरण अख्तरने दिलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.