Shoaib Akhtar video viral : भारत आणि पाकिस्तान यांच्यातील वैर अनेक वर्षांपासून क्रिकेटमध्ये दिसून येत आहे. या दोन देशांमधील सामना पाहण्यासाठी जगभरातील चाहते उत्सुक आहेत. पाकिस्तानचे वेगवान गोलंदाज आणि भारतीय आघाडीच्या फलंदाजांमध्ये बऱ्याच काळापासून स्पर्धा सुरू आहे. सध्या चाहत्यांना शाहीन शाह आफ्रिदी आणि रोहित शर्मा-विराट कोहली यांच्यातील मजेशीर सामना पाहायला मिळत आहे.

काही वर्षांपूर्वीपर्यंत क्रिकेटच्या मैदानावर भारतीय संघाचा सलामीवीर सचिन तेंडुलकर आणि पाकिस्तानचा वेगवान गोलंदाज शोएब अख्तर यांच्यात सामना रंगत होता. या दोन्ही खेळाडूंना आपापल्या देशांसाठी सर्वोत्तम कामगिरी करायची होती आणि या प्रयत्नात कधी-कधी फलंदाजाचा गोलंदाजावर वरचष्मा होता.

2006 मध्ये भारत आणि पाकिस्तान यांच्यात झालेल्या तिसऱ्या कसोटी सामन्याची आठवण करून देताना शोएब अख्तरने मोठा खुलासा केला आहे. या मालिकेत सचिन तेंडुलकरला जखमी करण्याचा प्रयत्न करत असल्याचे त्याने सांगितले. व्हायरल होत असलेल्या व्हिडिओमध्ये अख्तर म्हणाला की, मी हे पहिल्यांदा सांगत आहे. त्या कसोटीत मला मुद्दाम सचिनला मारायचे होते. मी ठरवले होते की मला सचिनला कोणत्याही किंमतीत जखमी करायचं आहे.

शोएब अख्तर पुढे म्हणाला की, पाकिस्तान संघाचा तत्कालीन कर्णधार इंझमाम उल मला चेंडू विकेटसमोर फेकण्यास सांगत होता, पण मला सचिनला मारायचे होते. मी त्याच्या हेल्मेटवर एक बॉल मारला आणि मला वाटले की तो जखमी झाला. पण, व्हिडीओ पाहिल्यानंतर सचिन स्वत:ला वाचवण्यात यशस्वी झाल्याचं मला समजलं, पण जेव्हा मी व्हिडिओ पाहिला तेव्हा मला कळले की त्याचे डोके वाचले. मी हे पहिल्यांदाच सर्वांना सांगत आहे, त्या सामन्यात सचिनला दुखावण्याचा माझा हेतू होता.