Shubman Gill Sara Tendulkar : भारताचा युवा फलंदाज शुभमन गिल मुंबईत दाखल होताच एक वगेळीच चर्चा सुरू झाली आहे. शुभमन गिल आणि सारा तेंडुलकर हे दोघेही मुंबईतील एका रेस्तराँ बाहेर दिसले. यानंतर या चर्चांना जास्तच उधाण आलं. शुभमन गिल आणि सारा तेंडुलकर हे एकमेकांना डेट करत आहेत की ते फक्त चांगले मित्र आहेत. याची खमंग चर्चा क्रीडा आणि ग्लॅमर वर्तुळात सुरू आहे.

दरम्यान, उद्या (दि. 2) मुंबईतील वानखेडे स्टेडियमवर भारत आणि श्रीलंका यांच्यात सामना होणार आहे. यापूर्वी शुभमन गिल चर्चेत आला तो सारा तेंडुलकरमुळे! रेस्तराँमधून बाहेर निघताना शुभमन गिल आणि साराला पाहण्यात आलं. शुभमन गिल आधी रेस्तराँमधून बाहेर पडला. त्यानंतर लाल रंगाच्या ड्रेसमधील सारा ही त्याच्यानंतर रेस्तराँमधून बाहेर पडली.

हे दोन सेलिब्रेटी बाहेर पडत असताना ते कॅमेऱ्यामध्ये कैद झाले. गिल रेस्तराँमधून बाहेर पडला तर सारा ही तिच्या इतर मित्रांची गाठभेट घेताना दिसत आहे. गेल्या वर्षभरापासून शुभमन गिल आणि सारा एकमेकांना डेट करत असल्याची चर्चा आहे. हे दोघेही सार्वजनिक ठिकाणी अनेवेळा एकत्र स्पॉट झाले आहेत. विशेष म्हणजे गिल आणि सारा अली तेंडुलकर डेटवर गेल्याचे फोटो व्हायरल झाल्यानंतर गिल आणि सारा तेंडुलकरचे ब्रेकअप झाल्याच्या देखील बातम्या आल्या होत्या.

मात्र आता या दोघांमध्ये पॅचअप झालं असल्याचं देखील बोललं जात आहे. सचिन तेंडुलकरची मुलगी सारा ही वर्ल्डकप सामन्यादरम्यान शुभमन गिलला चिअर अप करताना दिसली होती. हे फोटो आणि व्हिडिओ देखील सोशल मीडियावर तुफान व्हायरल झाले होते.

मैदानाबाहेर जोरदार चर्चा असलेला शुभमन गिल आता मैदानावर देखील दमदार कामगिरी करण्यासाठी उत्सुक आहे. त्याला डेंग्युमळे वर्ल्डकपचे काही सामने गमवावे लागले होते. त्यानंतर त्याने संघात पुनरागमन केलं आहे.

मात्र त्याला आपल्या लौकिकास साजेशी खेळी अजून करता आलेली नाही. गेल्या वर्षभरापासून वनडे क्रिकेटमध्ये त्याचा फॉर्म पाहता तो संधी मिळताच मोठा धमाका करण्याची शक्यता आहे. श्रीलंकेविरूद्धच्या सामन्यात त्याच्याकडून मोठ्या खेळीची अपेक्षा केली जात आहे.

(Sports Latest News)