South Africa Vs India 1st Test Day 1 : भारतआणि दक्षिण आफ्रिका यांच्यातील पहिल्या कसोटीच्या पहिल्या दिवशी भारताने 59 षटकात 8 बाद 208 धावा केल्या आहेत. भारताकडून मधल्या फळीतील फलंदाज केएल राहुलने दमदार फलंदाजी करत नाबाद 70 धावा केल्या. तर विराट कोहलीने 38 आणि श्रेयस अय्यरने 31 धावांचे योगदान दिलं. शार्दुल ठाकूरने देखील 24 धावा करत केएल राहुलला चांगली साथ दिली. दक्षिण आफ्रिकेकडून कगिसो रबाडाने 5 विकेट्स तर नांद्रे बर्गरने 2 विकेट्स घेतल्या.

आधी अंधुक प्रकाशामुळे खेळ थांबला होता. त्यानंतर पावसाने सुरूवात केल्याने पंचांनी 59 षटकांचा खेळ झाला असताना दिवसाचा खेळ संपल्याची घोषणा केली. खेळ थांबला त्यावेळी केएल राहुल नाबाद 70 धावांवर तर सिराज 10 चेंडू करत शून्य धावांवर खेळत होता.

भारताने 59 षटकात 8 बाद 208 धावांपर्यंत मजल मारली होती. केएल राहुल 70 धावा करून नाबाद होता. मात्र ढगाळ वातावरण आणि अंधुक प्रकाशामुळे खेळ थांबवण्यात आला.

केएल राहुलने 80 चेंडूत नाबाद 50 धावा करत भारतीय संघाला 200 धावांच्या जवळ पोहचवले. केएल राहुलच्या अर्धशतकात 40 धावा या चौकार आणि षटकारांनीच आल्या आहेत.

शार्दुल ठाकूरने 33 चेंडूत 24 धावा करत केएल राहुलला चांगली साथ दिली होती. या दोघांनी सातव्या विकेटसाठी 43 धावांची भागीदारी रचली. मात्र रबाडाने शार्दुलला बाद करत आपला पाचवा बळी टिपला.

भारताचे सहा फलंदाज 121 धावात गारद झाल्यानंतर केएल राहुल आणि शार्दुल ठाकूर यांनी सातव्या विकेटसाठी महत्वपूर्ण भागीदारी रचत संघाला 160 धावांच्या पुढे पोहचवले.

भारताचा सहावा फलंदाज रविचंद्रन अश्विन हा 8 धावा करून बाद झाला.

उपहारानंतर भारताची जमलेली जोडी रबाडाने फोडली. त्याने अय्यरला 31 धावांवर बाद केलं तर रबाडानेच विराट कोहलीची 38 धावांवर शिकार करत भारताला पाचवा आणि मोठा धक्का दिला.

भारताची अवस्था 3 बाद 24 धावा अशी झाल्यानंतर अनुभवी विराट कोहली आणि श्रेयस अय्यर यांनी चौथ्या विकेटसाठी नाबाद अर्धशतकी भागीदारी रचली. या दोघांच्या या भागीदारीमुळे भारत शतकाच्या जवळ पोहचला आहे.

एक बाजू लावून धरलेल्या यशस्वी जयस्वालला 17 धावांवर बर्गरने बाद केले. त्यानंतर शुभमन गिलची देखील बर्गरने शिकार केली.

भारताने रोहित शर्मा बाद झाल्यानंतर सावध फलंदाजी केली. यशस्वी जयस्वालने चांगली फलंदाजी केली.

रबाडाने भारताला पिहला धक्का दिला. त्याने कर्णधार रोहित शर्माला 5 धावांवर बाद केलं.

दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला आहे. ढगाळ वातावर आणि पावसाची शक्यता पाहता भारतासाठी अशा खेळपट्टीवर फलंदाजी करणं आव्हानात्मक असणार आहे.

भारताचा वेगवान गोलंदाज प्रसिद्ध कृष्णा दक्षिण आफ्रिकेविरूद्धच्या पहिल्या कसोटी सामन्याद्वारे आपले कसोटी पदार्पण करणार आहे. नाणेफेक ही भारतीय वेळेनुसार 1.45 ला होणार असून सामना 2 वाजता सुरू होणार आहे.

पहिल्या कसोटीच्या पहिल्या दिवशी पावसाचे सावट असल्याने नाणेफेकीस उशीर होत आहे.