Sunil Chhetri Announces Wife Sonams Pregnancy  esakal
क्रीडा

Sunil Chhetri Goal : एकमेव गोल, भारत फायनलमध्ये अन् तो VIDEO; छेत्री अनोख्या सेलिब्रेशनबद्दल म्हणाला...

अनिरुद्ध संकपाळ

Sunil Chhetri Announces Wife Sonams Pregnancy : भारतीय फुटबॉल संघाने सोमवारी इंटरकॉन्टिनेंटल कपमध्ये सलग दुसरा विजय मिळवला. भारतीय संघाने भुवनेश्वर मधील कलिंगा स्टेडियममध्ये सुरू असलेल्या वनुआतू विरूद्धच्या सामन्यात 1 - 0 असा विजय मिळवला. या विजयाबरोबरच भारताचे फायनलचे तिकीट पक्के झाले.

भारताने संपूर्ण सामन्यावर आपले वर्चस्व गाजवले होते. मात्र रँकिंगमध्ये 164 व्या स्थानावर असलेल्या वनाआतूने चांगला बचाव करत भारतीय स्ट्रायकर्सना रोखून धरले होते. मात्र अनुभवी सुनिल छेत्रीने शुभाशीष बोसच्या पासवर 81 व्या मिनिटाला हा बचाव भेदत भारताचा पहिला गोल केला.

सुनिल छेत्रीने दिली गुडन्यूज

जागतिक फुटबॉलमध्ये सध्या खेळत असलेल्या फुटबॉलपटूमध्ये सर्वाधिक आंतरराष्ट्रीय गोल करणाऱ्यांच्या यादीत सुनिल छेत्री तिसऱ्या स्थावावर आहे. वनुआतू विरूद्धच्या एकमेव गोलनंतर सेलिब्रेशन करताना छेत्रीने आपण बाप होणार असल्याची घोषणा केली. त्याने फुटबॉल आपल्या टीशर्टमध्ये ठेवला अन् आपल्या गर्भवती पत्नीला हा गोल समर्पित केला. यावेळी सुनिल छेत्रीची पत्नी सोनमने टाळ्या वाजवून सुनिलचा उत्साह वाढवला.

सामन्यानंतर सुनिल छेत्रीने आपल्या या अनोख्या सेलिब्रेशनबद्दल माहिती दिली. तो म्हणाला की, 'माझी पत्नी गर्भवती आहे. तिची इच्छा होती की मी ही गुडन्यूज सर्वांशी शेअऱ करावी. आम्हाला सर्वांच्या शुभेच्छा हव्या आहेत.'

भारताचे निर्विवाद वर्चस्व

भारताने शुक्रवारी झालेल्या सामन्यात मंगोलियाचा 2 - 0 असा पराभव केला होता. भारताने दोन गुणांसह गुणतालिकेत अव्वल स्थान पटकावले आहे. भारतीय संघ गुरूवारी आपला अखेरचा राऊंड रॉबिन सामना खेळणार आहे. जागतिक क्रमवारीत 101 व्या स्थानावर असलेल्या भारताने संपूर्ण सामन्यावर आपले वर्चस्व राखले.

सुरूवातीच्या हाफमध्ये 62 टक्के चेंडूचा ताबा भारताकडे होता. यात भारताने 13 गोल करण्याच्या संधी निर्माण केल्या. वनुआतूला संपूर्ण सामन्यात भारतीय गोलपोस्टवर एकही आक्रमण करण्याची संधी मिळाली नाही.

(Sports Latest News)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maharashtra Assembly Results: लोकसभेचा उत्साह सातव्या आसमानावर; विधानसभेत भ्रमाचा भोपला फुटला, काँग्रेसच्या आत्मविश्वासानं MVAचा खेळ केला?

Abhimanyu Pawar won Aausa Assembly Election : औसा मध्ये फडकला भाजपाचा झेंडा! अभिमन्यू पवारांचा भव्य विजय

Kopri Pachpakhadi Assembly Election 2024 Result: येऊन येऊन येणार कोण! कोपरी पाचपाखाडीत एकनाथ शिंदेंचा एकहाती विजय; केदार दिघेंचा लाजिरवाणा पराभव

Karveer Assembly Election 2024 Results : करवीर मतदारसंघात पुन्हा 'चंद्रदीप'; अतिशय चुरशीच्या लढतीत राहुल पाटलांचा अवघ्या काही मतांनी पराभव

Maharashtra Assembly Election 2024 Results Vote Counting Live Updates: शरदचंद्र पवार पक्षाचे विजयी उमेदवार अभिजीत पाटील यांनी जीपवर चढून दंड थोपटत विजय साजरा केला

SCROLL FOR NEXT