IND vs AUS : भारतीय संघ घरच्या मैदानावर ऑस्ट्रेलियाविरुद्ध ४ कसोटी सामन्यांची मालिका खेळणार आहे. या मालिकेतील पहिला कसोटी सामना ९ फेब्रुवारीपासून नागपूर स्टेडियमवर खेळवला जाणार आहे. या सामन्यापूर्वीच, दिग्गजांनी त्यांचे संभाव्य प्लेइंग- ११ शेअर केले आहेत. या दिग्गजांमध्ये माजी भारतीय क्रिकेटपटू संजय मांजरेकर, वसीम जाफर आणि बीसीसीआयचे माजी निवडक सुनील जोशी यांचाही समावेश आहे. 

मांजरेकर आणि जाफरसह जवळपास सर्वांनीच सूर्यकुमार यादव आणि इशान किशनला त्यांच्या प्लेइंग ११ मध्ये स्थान दिलेले नाही. त्यामुळे चर्चेला उधाण आलं आहे. 

नागपूर कसोटीसाठी संभाव्य प्लेइंग - ११

रोहित शर्मा (कर्णधार), केएल राहुल / शुबमन गिल, चेतेश्वर पुजारा, विराट कोहली, शुभमन गिल / सूर्यकुमार यादव, केएस भरत (यष्टीरक्षक), रवींद्र जडेजा, रविचंद्रन अश्विन, अक्षर पटेल / कुलदीप यादव, मोहम्मद शमी आणि सिराज.

असा असेल ऑस्ट्रेलिया भारत दौरा -

• पहिली कसोटी - ९ फेब्रुवारी ते १३ फेब्रुवारी (नागपूर)
• दुसरी कसोटी - १७ ते २१ फेब्रुवारी (दिल्ली)
• तिसरी कसोटी - १ ते ५ मार्च (धर्मशाला)
• चौथी कसोटी - ९ ते १३ मार्च (अहमदाबाद)
• पहिली वनडे - १७ मार्च (मुंबई)
• दुसरी एकदिवसीय - मार्च १९ (विशाखापट्टणम)
• तिसरी वनडे - २२ मार्च (चेन्नई)