नागपूर : : भारत आणि ऑस्ट्रेलिया क्रिकेट संघादरम्यान तीन टी-२० सामन्यांच्या मालिकेतील दुसरी लढत येत्या २३ सप्टेंबर रोजी विदर्भ क्रिकेट असोसिएशनच्या जामठा स्टेडियमवर खेळली जाणार आहे. या सामन्याच्या निमित्ताने तब्बल तीन वर्षांनंतर नागपुरात आंतरराष्ट्रीय सामना होणार आहे. बीसीसीआयने अलीकडेच ऑस्ट्रेलियाविरुद्धच्या मालिकेचा कार्यक्रम घोषित केला. २० सप्टेंबरला मोहाली येथे पहिला सामना झाल्यानंतर २३ तारखेला नागपुरात दुसरा टी-२० सामना रंगणार आहे. तब्बल तीन वर्षांच्या दीर्घ कालावधीनंतर आंतरराष्ट्रीय सामना होणार असल्याने नागपूरकर क्रिकेटप्रेमींसाठी एकप्रकारे मेजवानी राहणार आहे.

४५ हजार प्रेक्षक क्षमता असलेल्या जामठा स्टेडियममध्ये आतापर्यंत १२ पुरुषांचे व दोन महिलांचे टी-२० सामने खेळले गेले आहेत. नागपुरात शेवटचा टी-२० सामना भारत आणि बांगलादेश यांच्यात नोव्हेंबर २०१९ मध्ये खेळला गेला होता.

जामठा स्टेडियमवर झालेले टी-२० सामने

तारीख प्रतिस्पर्धी संघ विजयी संघ फरक

९-१२-०९ भारत-श्रीलंका श्रीलंका २९ धावा

८-३-१६ झिम्बाब्वे-हाँगकाँग झिम्बाब्वे १४ धावा

८-३-१६ अफगणिस्तान-स्कॉटलंड अफगणिस्तान १४ धावा

१०-३-१६ झिम्बाब्वे-स्कॉटलंड झिम्बाब्वे ११ धावा

१०-३-१६ हाँगकाँग-अफगणिस्तान अफगणिस्तान ६ गडी

१२-३-१६ अफगणिस्तान-झिम्बाब्वे अफगणिस्तान ५९ धावा

१२-३-१६ हाँगकाँग-स्कॉटलंड स्कॉटलंड ८ गडी

१५-३-१६ भारत-न्यूझीलंड न्यूझीलंड ४७ धावा

२५-३-१६ द. आफ्रिका-वेस्ट इंडीज वेस्ट इंडीज ३ गडी

२६-३-१६ अफगणिस्तान-वेस्ट इंडीज अफगणिस्तान ६ धावा

२९-१-१७ भारत-इंग्लंड भारत ५ धावा

१०-११-१९ भारत- बांगलादेश भारत ३० धावा